దశ తిరిగింది…దర్శకుడి పంట పండింది!!!

టాలీవుడ్ లో టాలెంట్ ఉన్న చిన్న దర్శకులకు కొదవే లేదు. అయితే అవకాశం రావాలి కానీ, వాళ్ళను వాళ్ళు ఎప్పటికప్పుడు సక్సెస్ఫుల్ డైరెక్టర్స్ గా నిరూపించుకుంటూ వస్తున్నారు. ఇదిలా ఉంటే, తాజాగా టాలీవుడ్ లో అవకాశం కోసం చక్కెర్లు కొడుతున్న దర్శకుల్లో వెంకటేష్ తిరుమల ఒకరు. ఇంతకీ ఈ తిరుమల వెంకటేష్ ఎవరనేగా మీ డౌట్, ఎవరో కాదండి, ‘నేను శైలజ’ చిత్రంతో ఈ ఏడాది టాలీవుడ్ కి ఫర్స్ట్ అండ్ బెస్ట్ హిట్ ను అందించాడు. డిజస్టర్స్ తో విసిగిపోయిన రామ్ కి మళ్లీ బ్రేక్ ఇచ్చాడు. అయితే ఈ దర్శకుడు ఈ సినిమాతో హిట్ కొట్టగానే తనకు సినిమాల ఆఫర్స్ భారీగా వచ్చి పడుతున్నాయి. గతంలో తాను అవకాశం కోసం ఏ ఆఫీస్ ల చుట్టూ అయితే కాళ్ళు అరిగేలా తిరిగాడొ, అవే ఆఫీస్ ల నుంచి ఇప్పుడు తనకు కాల్స్ వస్తూ ఉండడంతో ఆనందంతో ఉన్నాడు మన దర్శకుడు. గతంలో హీరో నితిన్ ఆఫీస్ ల చుట్టూ తిరిగిన ఆయనకు నితిన్ నుంచి ఫోన్ రావడంతో చాలా హ్యపీగా ఉన్నాడు వెంకటేష్.అంతేకాకుండా వెంకీ కోసం తాను ఒక కధ రాసుకున్నానని, అవకాశం కల్పించాలని సురేష్ ప్రొడక్షన్స్ కు చాలా సార్లు వెళ్ళిన ఈ దర్శకుడికి అప్పట్లో అవకాశం ఇవ్వకపోగా, ఈ సినిమా హిట్ అవ్వడంతో, పిలిచి మరీ సినిమా చెయ్యాలంటూ నిర్మాత సురేష్ చెప్పినట్లు సమాచారం. అంతేలే హిట్ కొట్టగానే అదృష్టంతో పాటు, అవకాశాలు కూడా భారీగా వస్తాయి అంటారు ఇదేనేమో. ఏది ఏమైనా, టాలీవుడ్ లో టాలెంట్ ఉన్న యువ దర్శకులు అందరూ ఇలా అవకాశాలతో మంచి సినిమాలు తీసి అలరించాలని కోరుకుందాం.