ధనుష్ సినిమాలో కీలకరోల్ పోషించనున్న వరలక్ష్మి

హీరోగా, నటుడిగా శరత్ కుమార్ తెలుగు, తమిళ అభిమానుల మనసులు గెలుచుకున్నారు. అతని కూతురు వరలక్ష్మి కూడా తండ్రి తగ్గ తనయురాలిగా ప్రశంసలు అందుకుంటోంది. విక్రమ్ వేదా, సత్య సినిమాల్లో అద్భుతంగా నటించి అభినందనలు అందుకున్న ఈ బ్యూటీ తాజాగా మరో అవకాశాన్ని పట్టేసింది. మారికి సీక్వెల్‌గా ధనుష్ మారి-2 చేయనున్నారు. బాలాజీ మోహన్ దర్శకత్వంలో రూపుదిద్దుకుంటున్న ”మారి-2”లో సాయిపల్లవి హీరోయిన్ గా ఎంపికైంది.

ఇందులో పవర్ ఫుల్ పాత్ర ఉంది. ఆ పాత్రకు వరలక్ష్మిని తీసుకున్నారు. ఇది ఆమె కెరీర్ బెస్ట్ క్యారెక్టర్ గా నిలిచి పోతుందని కోలీవుడ్ సినీ వర్గాలు తెలిపాయి. వండర్ బేర్ ఫిలిమ్స్ పతాకంపై ధనుష్ నిర్మిస్తున్న ఈ సినిమాలో విలన్ గా టోవినో థామస్ కనిపించనున్నారు. ఏకకాలంలో తెలుగు, తమిళంలో నిర్మితం కానున్న ఈ చిత్రానికి యువన్ శంకర్ రాజా సంగీతం అందించనున్నారు. ఫిబ్రవరి నుంచి సెట్స్ మీదకు వెళ్లనున్న ఈ చిత్రంపై భారీ అంచనాలున్నాయి. ధనుష్ గత చిత్రం వి ఐ పీ 2 అపజయం కావడంతో.. ఈ సారి ఎలాగైనా హిట్ కొట్టాలని శ్రమిస్తున్నారు.