తెలుగు సినీ పరిశ్రమలో బాలయ్య అన్న పదం వింటే ఎవ్వరికైనా బాడీలో వైబ్రేషన్స్ పుడతాయి. ఇక బాలయ్య అభిమానుల సంగతి మనకు తెలిసిందే. ఇదిలా ఉంటే, అన్నీ తెలిసి కూడా, గతంలో అటు బాలయ్యని, ఇటు ఆయన అభిమానుల్ని వీలైనంత వరకూ తన సినిమాకు ఉపయిగించుకోవాలి అని అనుకున్నాడు యువ హీరో నాని.
ప్రస్తుతం తాను నటిస్తున్న ‘కృష్ణ గాడి వీర ప్రేమగాథ’ అన్న సినిమా ప్రమోషన్ లో భాగంగా మాట్లాడుతూ ఈ సినిమాలో మీరు అనంతపురం బాలయ్య అభిమానిగా నటిస్తున్నారంట, అందుకే ఈ సినిమాకు గతంలో ‘జై బాలయ్య’ అన్న టైటిల్ పెట్టాలి అని అనుకున్నారంటగా అని మీడియా అడిగిన ప్రశ్నకు సమాధానం ఇస్తూ…..
అవన్నీ అవాస్తవాలు అని, ఈ సినిమా ఒక క్యూట్ లవ్ స్టోరీ అని, ఆ టైటిల్ కి, ఈ సినిమా స్టోరీ కి అస్సలు మ్యాచ్ కాదు అని ప్లేట్ తిరగేసాడు. మరి మొదటి నుంచి ఈ సినిమాపై వస్తున్న వార్తల విషయం ఏంటి అంటే, అవన్నీ రూమర్స్, కేవలం ఆన్‌లైన్ మీడియా సృష్టించిన వార్తలు అని కుండబద్దలుకొట్టాడు.
ఇక ఈ విషయం విన్న బాలయ్య అభిమానులు కోపంతో ఊగిపోతున్నారు. సినిమాకు హైప్ తెచ్చుకోవడం కోసం తమ అభిమాన హీరోను వాడుకోవద్దు అని, మీడియాలో అలాంటి వార్తలు వచ్చినప్పుడే అవన్నీ అవస్తావాలు అని అప్పుడే చెప్పాలిగా అని మండి పడుతున్నారు. ఇదంతా సరే కానీ, నాని చెప్పిందే నిజం అయితే ఆయన చేతిపై ఉన్న ‘జై బాలయ్య’ టాటూ కూడా అవాస్తవమేనా? ఏది ఏమైనా….నానిపై నందమూరి బాలయ్య అభిమానులు మాత్రం గరం గరంగా ఉన్నారు. మరి ఈ కోపం నాని సినిమాపై ఎలాంటి ప్రభావం చూపిస్తుందో చూడాలి.
Home