టిపికల్ క్యారెక్టర్స్ ని ఎంతో విభిన్నంగా పోషించే నటుడు పృథ్వీరాజ్. పెళ్లి పందిరి సినిమాలో జగపతిబాబు కి స్నేహితుడిగా అతని నటన మరువలేది. అలాగే “పెళ్లి” సినిమాలో కన్నతల్లే విషమిచ్చి చంపే క్రూరమైన కొడుకుగా నటించి మంచి గుర్తింపు సొంతం చేసుకున్నారు. తెలుగు, తమిళ భాషల్లోని స్టార్ హీరోల సినిమాలో అనేక పాత్రలు పోషించిన ఈ నటుడి జీవితంలోను అనేక మలుపులు ఉన్నాయి. ఒకానొక సమయంలో చనిపోవాలనేంత డిప్రెషన్ లోకి వెళ్లి పోయాడని తెలిసింది. ఆ విషయాన్ని తాజాగా ఒక ఇంటర్వ్యూలో పృథ్వీరాజ్ వివరించారు. “నేను 18 సార్లు ఆత్మహత్య ప్రయత్నం చేశాను. చివరిసారి అమీర్ పేట్ అపార్ట్ మెంట్ లోని నేను ఉన్న ప్లాట్ (14 వ అంతస్తు) నుంచి దూకి చనిపోవాలని అనుకున్నాను.
నేను చనిపోవాలని భావించిన సమయంలో నా అసిస్టెంట్ ఫోన్ చేసి తినడానికి ఏమైనా తీసుకు రావాలా? అంటూ అడిగాడు. వద్దని చెప్పిన నేను.. అతడు ఒక రోజు సెలవు అడిగితే ఇచ్చాను. ఆ తర్వాత అతడితో కొద్ది సమయం మాట్లాడిన తర్వాత ఆత్మహత్య చేసుకూడదని నిర్ణయం తీసుకున్నాను” అని పృథ్వీరాజ్ తెలిపారు. ప్రస్తుతం తాను ‘ఎన్టీఆర్’ బయోపిక్ లో నటిస్తున్నానని చెప్పారు. “ఎన్టీఆర్ అంటే నాకు చాలా ఇష్టం. ఆ ఇష్టంతో ఆయనతో ఒక్క సీన్ లో అయినా నటించాలని కోరుకున్నాను. కాని ఆ అవకాశం నాకు దక్కలేదు. ఇప్పుడు ఆయన సినిమాలో చేసే అవకాశం రావడం చాలా సంతోషంగా ఉంది. దర్శకుడు క్రిష్ ఒక మంచి పాత్రను నాకు ఇచ్చినందుకు తృప్తిగా ఉంది” అని ఆనందాన్ని వ్యక్తం చేశారు.
Home