‘దయచేసి ఇంటి నుండీ ఎవ్వరూ బయటకి రావొద్దు’ … మన తెలుగు రాష్ట్రాల ముఖ్యమంత్రులు చెప్పినా ఇదే మాట.. ప్రధాన మంత్రి నరేంద్ర మోడీ చెప్పినా ఇదే మాట. ఇక మన ఫేవరెట్ సినీ తారలు చెప్పినా ఇదే మాట. అయినప్పటికీ అందరూ హద్దులు మీరి ఇళ్ళ నుండీ బయటకి వెళ్తున్నారు. నిజంగా అవసరాలు ఉంటే పర్వాలేదు కానీ బోర్ కొడుతుంది అనే సిల్లీ రీజన్స్ తో బయటకి వెళ్తున్నారు. పోలీస్ లు, వైద్యులు, వాళ్ళ ప్రాణాల్ని సైతం లెక్క చేయకుండా… మనకోసం పని చేస్తున్నారు.
వాళ్ళ త్యాగానికి కనీసం విలువ ఇవ్వకుండా బయట తిరుగుతున్నారు. ఇలా నిర్లక్ష్యంతో వ్యవహరించే వారికి బోధ చెప్పడానికి ఇటీవల మెగాస్టార్ , అమితాబ్, రజినీ, మోహన్ లాల్ వంటి స్టార్ లు ఓ షార్ట్ ఫిలిం తీసారు. అది కూడా ఇంట్లో ఉండే. ఇప్పుడు కొందరు బుల్లితెర నటులు కూడా ఓ షార్ట్ ఫిలిం చేసారు. ఎం.ఎన్.రవి కిరణ్ డైరెక్ట్ చేసిన ఈ షార్ట్ ఫిలిం ‘స్టే హోమ్’ పేరుతో తెరకెక్కింది.ఐదు రాష్ట్రాలకు చెందిన నటీ నటులు ఇందులో నటించారు. మంచి మెసేజ్ కూడా ఉంది.
లాక్ డౌన్ వల్ల బోర్ కొడుతుంది అనేది పక్కన పెడితే .. బయట రేప్ లు మర్డర్ లు జరగడం లేదు, దొంగతనాలు లేవు. మొన్నటికి మొన్న ఉగాది, శ్రీరామ నవమి.. వంటి పండుగలు అందరూ ఇంట్లోనే ఉండి చేసుకున్నారు. ‘అమ్మ కడుపులో నుండీ బయటకి రావడానికి 9 నెలలు ఎదురుచూసాం.. బ్రతకడానికి కొన్ని రోజులు ఇంట్లో ఉండలేమా’ అంటూ చివర్లో ఎస్.పి. బాల సుబ్రహ్మణ్యం చెప్పిన డైలాగ్ హైలెట్ అని చెప్పాలి. 34 మంది నటీనటులు తమ ఇళ్ళల్లో నుండీ మొబైల్ ఫోన్స్ కెమెరాల ద్వారా ఈ షార్ట్ ఫిలింలో నటించారు.
Most Recommended Video
అత్యధిక టి.ఆర్.పి నమోదు చేసిన సినిమాల లిస్టు!
టాలీవుడ్ టాప్ హీరోల వరస్ట్ లుక్స్ ఇవే!
మన హీరోయిన్ల ఫ్యామిలీస్ సంబంధించి రేర్ పిక్స్!
