పవర్ స్టార్ పవన్ కళ్యాణ్ హీరోగా రేణు దేశాయ్ హీరోయిన్ గా స్వయంగా పవన్ కళ్యాణే డైరెక్ట్ చేసిన చిత్రం జాని. గీత ఆర్ట్స్ బ్యానర్ పై అల్లు అరవింద్ ఈ చిత్రాన్ని నిర్మించాడు. 2003 వ సంవత్సరం ఏప్రిల్ 25 న ఈ చిత్రం విడుదలయ్యింది. ఈరోజుతో జాని విడుదలై 18 ఏళ్ళు పూర్తి కావస్తోంది. అప్పటివరకూ అపజయమంటే ఎరుగని హీరోగా పవన్ కళ్యాణ్ దూసుకుపోతున్న రోజులవి. జాని చిత్రానికి ముందు పవన్ కళ్యాణ్ నటించిన చిత్రం ఖుషి. అది పెద్ద బ్లాక్ బస్టర్ అయ్యింది.
అంత పెద్ద బ్లాక్ బస్టర్ తర్వాత పవన్ నుండీ రెండేళ్ళ తరువాత వచ్చిన చిత్రం కావడంతో జాని పై భారీ అంచనాలు నెలకొన్నాయి. కానీ ఆ అంచనాలను మ్యాచ్ చెయ్యడంలో జాని పూర్తిగా విఫలమయ్యింది. ఓ మార్షల్ ఆర్ట్స్ కోచ్ గా ఓ క్రిస్టియన్ కుటుంబానికి చెందిన అబ్బాయిగా పవన్ కళ్యాణ్ ఈ సినిమాలో కనిపిస్తాడు. అతని భార్యగా రేణు దేశాయ్ కనిపిస్తుంది. కథ ప్రకారం హీరో భార్య క్యాన్సర్ భారిన పడుతుంది. ఆమె ట్రీట్మెంట్ కోసం ఇతను ఫైట్ లు చేస్తుంటాడు.
ఫైనల్ గా ఆమెను కాపాడుకున్నాడా లేదా అన్నది కథ. చెప్పుకోడానికి బాగానే ఉన్నా కథనం చాలా స్లో గా ఉంటుంది. ఫైట్ లు చాలా అద్భుతంగా ఉంటాయి. పవన్ నటన కూడా సూపర్. అయినా సినిమాని డిజాస్టర్ కాకుండా కాపాడలేకపోయాడు. ఓ సందర్భంలో పవన్ ఈ సినిమా ఫలితం గురించి మాట్లాడుతూ..’ నేను ఓ కొత్త డైరెక్టర్ ను ఈ సినిమా ద్వారా పరిచయం చేశాను. కానీ అతను నన్ను మోసం చేశాడు. సినిమాని బాగా తియ్యలేదు ‘ అంటూ తన పైన తనే సరదాగా సెటైర్ వేసుకున్నాడు.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
Home