అందాల సుందరి, బాలీవుడ్ నటి ఐశ్వర్య రాయ్ బచ్చన్ ఆరాధ్యకు జన్మనిచ్చిన తర్వాత నటించిన చిత్రం సరబ్జిత్. పాకిస్తాన్ లో గూడచర్యం, తీవ్ర వాదం నేరాల కింద అరెస్ట్ అయి, జైలు పాలైన సరబ్జిత్ సింగ్ అనే ఒక భారతీయ రైతు యదార్ధ గాధ ఆధారంగా ఈ సినిమా తెరకెక్కింది. ఈ సినిమాలో రణదీప్ హుడా సరబ్జిత్ సింగ్ పాత్రలో నటించాడు. సరబ్జిత్ తరపున న్యాయం కోసం పోరాడిన అతని సోదరి దల్బీర్ పాత్రలో ఐష్ కనిపించనుంది.
ఈ సినిమా ప్రీమియర్ షోను ముంబై లో ప్రదర్శించారు. ఇందుకు చిత్ర దర్శకుడు ఒమర్ కుమార్ , చిత్ర బృందం తో పాటు ఐష్, ఆమె కుటుంబ సభ్యులు హాజరయ్యారు. ఈ సందర్భంగా రెడ్ కార్పెట్ పై చిత్ర బృదం నిలబడి మీడియా ఫోటోగ్రాఫర్లకు ఫోజులిచ్చారు. ఇందులో భాగంగా ఐశ్వర్య కూడా సింగల్ గా నిలబడి ఫోటోలు తీయించుకుంది. ఇంత వరకు బాగానే ఉంది. ఫోటోగ్రాఫర్లు భర్త అభిషేక్ బచ్చన్ తో కలిసి నిలబడమని ఐశ్వర్య కోరినప్పుడే అసలు చిక్కు వచ్చి పడింది.
ఐశ్వర్య పిలుపు మేరకు వచ్చిన అభిషేక్ బచ్చన్.. ఎక్కువ సేపు నిలబడలేక పోయాడు. ఉన్న కాసేపు కూడా అసహనంగా ఉన్నాడు. అప్పుడు అక్కడ ఏమి జరిగిందో తెలియదు కాని ఐశ్వర్య ని ఒంటరిగా వదిలి పక్కకు వెళ్ళిపోయాడు. ఇక చేసేది లేక ఐష్ కూడా ఫోటో గ్రాఫర్లు నమస్కారం చేసి భర్త వెనుక వెళ్లి పోయింది. ఈ విషయం పై అభిషేక్ కాని, ఐష్ గాని ఏ వివరణ ఇవ్వలేదు. అభిషేక్ సరబ్జిత్ సినిమాలో నటించలేదు కాబట్టి.. ఆ చిత్ర ఫన్షన్లో హడావుడి చేయడం మంచింది కాదని భావించి తప్పుకుని ఉంటాడని బాలీవుడ్ వర్గాలు అభిప్రాయపడుతున్నాయి. అయితే ఈ వీడియోను మాత్రం ఎక్కువమంది చూస్తున్నారు.
