హీరో అభిజిత్ గురించి పెద్దగా పరిచయం చేయాల్సిన అవసరం లేదు. లైఫ్ ఈజ్ బ్యూటీపుల్ సినిమాతో మంచి క్రేజ్ తెచ్చుకున్నాడు. అయితే సినిమాల కంటే బిగ్ బాస్ తోనే ఎక్కువ క్రేజ్ తెచుకున్నాడు ఈ యంగ్ హీరో. బిగ్ బాస్ సీజన్ 4 విన్నర్ గాను నిలిచాడు. అయితే బిగ్ బాస్ తర్వాత అభిజిత్ వరుస సినిమాలతో బిజీ అవుతారని అంతా అనుకున్నారు. గ్యాప్ లేకుండా సినిమాలు చేస్తూ బిజీ హీరోగా మారతాడని అంతా అనుకున్నారు.
కానీ అలా జరగలేదు. ఇతను చాలా స్మార్ట్ గా ఉంటాడు. అయితే బిగ్ బాస్ సీజన్ -4 తరువాత వెంకీ అట్లూరి వంటి డైరెక్టర్స్ కూడా అభిజిత్ ని హీరో గా పెట్టి సినిమా తియ్యడానికి సిద్ధంగా ఉన్నట్టు అప్పట్లో వార్తలు వినిపించాయి. కానీ అలాంటివేమీ జరగలేదు.. బిగ్ బాస్ హౌస్ నుండి బయటకి వచ్చిన తర్వాత ఆ సీజన్ లో ఒక కంటెస్టెంట్ గా చేసిన సోహెల్ ఇప్పటి వరకు మూడు సినిమాలు చేసాడు.
కానీ అభిజిత్ నుండి మాత్రం ఒక్కటంటే ఒక్క సినిమా కూడా రాలేదు. మధ్యలో అమెజాన్ ప్రైమ్ లో ఒక వెబ్ సిరీస్ చేసాడు కానీ, ఆ సిరీస్ గురించి ఎవ్వరూ అసలు పట్టించుకోలేదు. అయితే అసలు అభిజిత్ ప్రస్తుతం ఏమి చేస్తున్నాడు? ఎందుకు అతను చేతులారా తన కెరీర్ ని నాశనం చేసుకుంటున్నాడు అని అభిమానులు ఫీల్ అవుతున్నారు. కొంతమంది మాత్రం లైఫ్ ని ఎంజాయ్ చేస్తున్నాడని కామెంట్స్ చేస్తున్నారు.
అయితే అభిజిత్ (Abijeet) మాత్రం ఇవేమి పట్టించుకోకుండా, అన్నీ పక్కన పెట్టేసి విదేశీ పర్యటనలు చేస్తూ, కాలక్షేపం చేస్తున్నాడు. పెళ్లి కూడా ఇప్పట్లో చేసుకునే ఆలోచన లేదట. అలా వేరే లెవెల్ కి వెళ్ళిపోతాడు అనుకున్న అభిజిత్ ఎటు కాకుండా పోయి కేవలం విదేశీ టూర్స్ కి పరిమితం అవ్వడం ఆయన ఫ్యాన్స్ కి బాధ కలిగిస్తుంది. అయితే అభిజిత్ కు తర్వలో సినిమా అవకాశాలు రావాలని అభిమానులు కోరుకుంటున్నారు.
ఆదికేశవ్ సినిమా రివ్యూ & రేటింగ్!
కోట బొమ్మాళీ పి.ఎస్ సినిమా రివ్యూ & రేటింగ్!
సౌండ్ పార్టీ సినిమా రివ్యూ & రేటింగ్!
