ఈ మధ్య కాలంలో స్టార్ హీరోల సినిమాలకు లీకేజీలు తలనొప్పిగా మారాయి. సినిమా విడుదలకు కొన్ని నెలల ముందే షూటింగ్ కు సంబంధించిన ఫోటోలు, పాటలు, ఫైట్లు, కీలక సన్నివేశాలు లీక్ అవుతున్నాయి. చిరంజీవి హీరోగా చరణ్ కీలక పాత్రలో ఆచార్య సినిమా తెరకెక్కుతున్న సంగతి తెలిసిందే. ఈ సినిమాపై మెగా ఫ్యాన్స్ తో పాటు సాధారణ ప్రేక్షకుల్లో సైతం భారీగా అంచనాలు నెలకొన్నాయి. కొరటాల శివ ఇప్పటివరకు నాలుగు సినిమాలకు దర్శకత్వం వహించగా ఆ నాలుగు సినిమాలు బ్లాక్ బస్టర్ హిట్లయ్యాయి.
ఐదో సినిమా ఆచార్య కూడా అంచనాలను మించి సక్సెస్ అవుతుందని మెగా ఫ్యాన్స్ భావిస్తున్నారు. అయితే ఈ సినిమా నుంచి రొమాంటిక్ సాంగ్ లీకైంది. చరణ్ ఈ సినిమాలో సిద్ధా పాత్రలో నటిస్తుండగా పూజా హెగ్డే నీలాంబరి పాత్రలో నటిస్తున్నారు. చరణ్ పూజా కాంబోలో తెరకెక్కిన నీలంబరి సాంగ్ సోషల్ మీడియాలో లీకైంది. ఈ సినిమాకు మణిశర్మ సంగీతం అందిస్తుండగా లీకైన సాంగ్ బాగానే ఉందని మెగా ఫ్యాన్స్ కామెంట్లు చేస్తున్నారు.
సాంగ్ లీకైంది కాబట్టి అఫీషియల్ గా ఆ సాంగ్ ను విడుదల చేస్తే బాగుంటుందని చిత్ర యూనిట్ కు ఫ్యాన్స్ సూచనలు ఇస్తున్నారు. మరోవైపు కరోనా సెకండ్ వేవ్ వల్ల ఆచార్య సినిమా మే 13వ తేదీన రిలీజయ్యే పరిస్థితులు కనిపించడం లేదు. చిరంజీవి, చరణ్ ఫుల్ లెంగ్త్ రోల్స్ లో నటిస్తుండటంతో ఈ సినిమాకు రికార్డు స్థాయిలో ప్రీ రిలీజ్ బిజినెస్ జరిగింది. అయితే ఈ పాట చిత్రీకరించే సమయంలో ఉన్నవాళ్లే మొబైల్ ద్వారా సాంగ్ ను రికార్డ్ చేసి లీక్ చేసినట్లు తెలుస్తోంది.
Most Recommended Video
‘వకీల్ సాబ్ ‘ నుండీ ఆకట్టుకునే 17 పవర్ ఫుల్ డైలాగులు!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
లాయర్ గెటప్ లలో ఆకట్టుకున్న 12 మంది హీరోలు వీళ్ళే..!
