యంగ్ రెబల్ స్టార్ ప్రభాస్.. ‘బాహుబలి'(సిరీస్) తరువాత దేశమంతా పాపులర్ అయిపోయాడు. ఇప్పుడతను ఇండియన్ సూపర్ స్టార్. బాలీవుడ్ స్టార్స్ సైతం అసూయపడే క్రేజ్ ప్రభాస్ సొంతం. బాహుబలికి ముందు కూడా అతనొక స్టార్ హీరోనే..! అయితే ఆ చిత్రం ప్రభాస్ ఇమేజ్ ను పది రెట్లు పెంచింది. ‘అతను ఎంత పెద్ద స్టార్ అయినప్పటికీ.. ఎటువంటి యాటిట్యూడ్ చూపించడు, చాలా సింపుల్ గా ఉంటాడు, అతని సినిమాలో నటిస్తే కడుపునిండా, మనస్ఫూర్తిగా భోజనం చెయ్యొచ్చు’ అంటూ చాలా మంది నటీనటులు చెప్పుకొచ్చారు.
జూనియర్ ఆర్టిస్ట్ లతో సైతం అతను చాలా క్లోజ్ గా ఉంటాడు. అందుకే అతను ఇండస్ట్రీ మొత్తానికి డార్లింగ్. ఇదిలా ఉండగా.. ‘బాహుబలి’ చిత్రీకరణ సమయంలో ప్రభాస్ తో కలిసి నటించిన ఓ నటుడు ఇటీవల ఓ ఇంటర్వ్యూలో పాల్గొని కొన్ని ఆసక్తికరమైన విషయాలను చెప్పుకొచ్చాడు. ‘బాహుబలి’ లో ఎక్కని పాత్రను పోషించిన నటుడు అందరికీ గుర్తుండే ఉంటాడు. అతని పేరు కోసరాజు ఆదిత్య. ఇటీవల ఓ ఇంటర్వ్యూలో అతను మాట్లాడుతూ.. ” ‘బాహుబలి’లో నేను ఓ చిన్న పాత్ర చేశాను .. ‘యుద్ధానికి వెళ్ళేటప్పుడు అమ్మ ఆకలి తీర్చకపోతే ఆగ్రహిస్తుంది .. పెను ముప్పు తప్పదు యువరాజా’ అనేది నా డైలాగ్.
నేను ఆ డైలాగ్ ను చాలా గట్టిగా చెప్పాను. నా తరువాత ప్రభాస్ డైలాగ్ చెప్పాలి. కానీ అతను చెప్పకుండా నా దగ్గరికి వస్తున్నాడు. అతన్ని చూసి ‘వామ్మో ఈయనేంటి నా దగ్గరికి వస్తున్నాడు’ అని భయపడ్డాను. కానీ ప్రభాస్ నా దగ్గరకు వచ్చి ‘డార్లింగ్ ఏవనుకోకే .. కొంచెం మెల్లగా చెప్పవా .. నా డైలాగ్ మర్చిపోతున్నాను’ అన్నాడు. నా జీవితంలో నేను ఆ సందర్భాన్ని ఎప్పటికీ మర్చిపోలేను. నిజంగా ప్రభాస్ చాలా మంచి వ్యక్తి .. ఆయనలాంటి మంచి వ్యక్తిని నేను ఇప్పటి వరకు చూడలేదు” అంటూ చెప్పుకొచ్చాడు ఆదిత్య.
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
Home