Naresh: నరేష్ ఫోన్ వాల్ పేపర్ పై తన ఫోటో ఉందా మరి ఇంత ప్రేమనా?

May 15, 2023 / 08:28 PM IST

టాలీవుడ్ ఇండస్ట్రీలో సంచలనంగా మారినటువంటి వారిలో నటుడు నరేష్, పవిత్ర లోకేష్ జంట ఒకటి అని చెప్పాలి. నరేష్ పవిత్ర గత కొద్దిరోజులుగా పెద్ద ఎత్తున సోషల్ మీడియా వార్తలలో నిలుస్తున్నారు. వీరిద్దరూ రిలేషన్ లో ఉండడమే కాకుండా మళ్లీ పెళ్లి అనే సినిమా ద్వారా జంటగా ప్రేక్షకుల ముందుకు రాబోతున్న నేపథ్యంలో వీరి గురించి పెద్ద ఎత్తున చర్చలు జరుగుతున్నాయి. ఇక ఈ సినిమాలో నరేష్ తన జీవిత కథ గురించి క్లుప్తంగా చూపించబోతున్నారని అర్థమవుతుంది.

ఈ సినిమా 26వ తేదీ ప్రేక్షకుల ముందుకు రానున్న నేపథ్యంలో ఈ సినిమా గురించి ప్రతి ఒక్కరు చాలా ఆత్రుతగా ఎదురుచూస్తున్నారు. ఇకపోతే ఈ సినిమా మాత్రమే కాకుండా నరేష్ అన్ని మంచి శకునములే అనే సినిమాలో కూడా నటించారు. ఈ సినిమా మే 18 వ తేది విడుదల కానుంది. ఈ క్రమంలోనే పెద్ద ఎత్తున ప్రమోషన్ కార్యక్రమాలను నిర్వహిస్తున్నారు. ఈ ప్రమోషన్ కార్యక్రమాలలో భాగంగా ఆదివారం ఈ సినిమా ప్రీ రిలీజ్ వేడుకను నిర్వహించారు.

ఈ వేడుకకు దుల్కర్ సల్మాన్,నాని ముఖ్య అతిథులుగా హాజరయ్యారు. ఈ కార్యక్రమంలో భాగంగా నరేష్ మాట్లాడుతూ తన వ్యక్తిగతమైన వృత్తిపరమైన జీవితం గురించి చేసిన కామెంట్స్ వైరల్ అవుతున్నాయి. ఇకపోతే ఈ కార్యక్రమంలో భాగంగా నరేష్ కి సంబంధించిన కొన్ని ఫోటోలు సోషల్ మీడియాలో వైరల్ అవుతున్నాయి. ఈ క్రమంలోనే నరేష్ ఫోన్లో ఉన్నటువంటి వాల్ పేపర్ ఫోటో బయటపడటంతో ఇది కాస్త వైరల్ గా మారింది.

నరేష్ (Naresh) ఫోన్ వాల్ పేపర్ గా పవిత్రతో కలిసి దిగిన ఫోటోని పెట్టుకున్నారని తెలుస్తోంది. ప్రస్తుతం ఇందుకు సంబంధించిన ఈ ఫోటో సోషల్ మీడియాలో వైరల్ గా మారడంతో నరేష్ పవిత్ర మధ్య ఎంతటి స్ట్రాంగ్ రిలేషన్ ఉందో అర్థమవుతుంది. ఈ ఫోటోపై నేటిజన్స్ యధావిధిగా కామెంట్లు చేస్తూ చేస్తున్నారు.