నటుడు నరేశ్ – రమ్య రఘుపతి వ్యవహారం కీలక మలుపు తిరిగింది. తనను చంపడానికి చూస్తున్నారు అంటూ ఏకంగా రమ్య రఘుపతిపై నరేశ్ ఆరోపణలు చేశారు. దీంతో మళ్లీ వీరి వ్యవహారం టాక్‌ ఆఫ్‌ ది ఇండస్ట్రీ అయ్యింది. పెళ్లి అయిన త‌ర్వాతి నెల నుంచే రమ్య న‌న్ను వేధించేద‌ని, ఇప్పుడు తనను చంపడానికి తన ఇంటి ద‌గ్గ‌ర రెక్కీ చేయించింది అంటూ నరేశ్ తాజాగా కోర్టులో పిటిష‌న్ వేశారు. ఈ విషయం బయటకు రావడంతో.. నరేశ్ మళ్లీ చర్చలలోకి వచ్చారు.
రమ్య తనను చంపడానికి కర్ణాటకు చెందిన ఓ రౌడీ షీట‌ర్‌తో తన ప్రదేశాల్లో రెక్కీ చేయించింది అనేది నరేశ్ ఆరోపణ. అలాగే ఓ పోలీస్ ఆఫీస‌ర్ సాయంతో తన ఫోన్‌ను హ్యాక్ చేసింద‌ని నరేశ్ అంటున్నారు. అంతేకాకుండా రమ్య బంధువు అయిన మాజీ మంత్రి ర‌ఘ‌వీరా రెడ్డి పేరుతో బెదిరింపుల‌కు దిగుతోంద‌ని కూడా ఆరోపిస్తున్నారు. రూ. 10 కోట్లు.. ఈ వ్యవహారం సెటిల్‌ చేసుకుంటానని మధ్యవర్తితో బేరసారాలు చేస్తోంది రమ్య రఘుపతిపై నరేశ్ ఆరోపణలు చేస్తున్నారు. అయితే దీనిపై రమ్య స్పందించాల్సి ఉంది.
మరోవైపు చాలా రోజులుగా స్నేహితులుగా ఉన్న నరేశ్, పవిత్రా లోకేశ్‌ పెళ్లికి సిద్ధమయ్యారు. ఇటీవల ఆ వీడియో స్పెషల్‌ వీడియోతో అనౌన్స్‌ చేశారు కూడా. దీంతో వాళ్ల పెళ్లి జరగనివ్వనని, నరేశ్ తనకు ఇంకా విడాకులు ఇవ్వలేదని రమ్య రఘుపతి వాదించారు. విడాకుల కేసు కోర్టులోనే ఉందనేది రమ్య వాదన. ‘‘ఎంతకష్టమైనా నా పోరాటం ఆపను. నరేశ్‌తో కలసి ఉండటానికి ప్రయత్నిస్తాను. మా విడాకుల కేసు కోర్టులో ఉంది. అయితే విడాకులు ఇవ్వడానికి నేను సిద్ధంగా లేను’’ అని రమ్య గతంతో చెప్పారు.
ఈ సమయంలో తనకు ప్రాణహాని ఉందని నరేష్ కోర్టును ఆశ్రయించడం గమనార్హం. 2010లో రమ్య రఘుపతి – నరేష్ వివాహం అయ్యింద. నరేష్‌కు ఇది మూడో పెళ్లి. వీరిద్దరికీ రణ్‌వీర్‌ అనే కొడుకు ఉన్నాడు. అయితే కొంతకాలంగా వీరి మధ్య గొడవలు జరుగుతున్నాయి. చాలా మలుపులు తిరిగిన ఈ గొడవలు ఇప్పుడు ప్రాణ హాని అంటూ కోర్టు మెట్లు ఎక్కింది. మరి దీనిపై రమ్య ఏం స్టెప్‌ తీసుకుంటారో చూడాలి.
హంట్ సినిమా రివ్యూ & రేటింగ్!
పఠాన్ సినిమా రివ్యూ & రేటింగ్!
సౌందర్య టు శృతి హాసన్.. సంక్రాంతికి రెండేసి సినిమాలతో పలకరించిన హీరోయిన్ల లిస్ట్..!
అతి తక్కువ రోజుల్లో వంద కోట్లు కొల్లగొట్టిన 10 తెలుగు సినిమాలు!
Home