Raj Kumar: చిరంజీవి పోలికలతో ఉండటం నాకు శాపంగా మారింది!

April 19, 2023 / 06:16 PM IST

సాధారణంగా ఈ ప్రపంచంలో మనిషిని పోలిన మనుషులు ఏడుగురు ఉంటారనీ చెబుతుంటారు అయితే ఇలా ఏడుగురిని మనం చూడకపోయినా ఒకరు లేదా ఇద్దరినీ ఒకే పోలికలతో ఉండడం మనం చూస్తుంటాము. ఇలా ఇండస్ట్రీలో ఒకే పోలికలతో ఉన్నటువంటి వారు చాలామంది ఉన్నారు అలాంటి వారిలో నటుడు రాజ్ కుమార్ ఒకరు.ఈయన అచ్చం చిరంజీవి పోలికలతో ఉండటంతో అందరూ ఈయనని జూనియర్ చిరంజీవి అని పిలుస్తుంటారు. ఇలా అచ్చం చిరంజీవి పోలికలతో ఉండడంతో ఈయన ఫేమస్ అయ్యారు.

అయితే తాజాగా ఒక ఇంటర్వ్యూలో పాల్గొన్నటువంటి (Raj Kumar) రాజ్ కుమార్ ఈ విషయం గురించి మాట్లాడుతూ పలు షాకింగ్ విషయాలను వెల్లడించారు.తనకు చిరంజీవి పోలికలు రావడం ఎంతో అదృష్టంగా భావిస్తాను కానీ ఇదే పోలికలు తనకు శాపంగా మారాయని ఈయన తెలియజేశారు. చిరంజీవి గారి పోలికలతో తాను ఉండటమే తనకు మైనస్ అయిందని తెలిపారు. ఇండస్ట్రీలో తాను కూడా చిరంజీవి పోలికలతో కొనసాగడంతో తన జీవితం మర్రి చెట్టు కింద కలుపు మొక్కలాగా మారిపోయిందని తెలిపారు.

ఇలా ఇండస్ట్రీలో చిరంజీవి గారికి ఎంతో మంచి ఆదరణ ఉండడంతో తనకు ఇక్కడ అవకాశాలు లేకపోవడంతోనే తాను కన్నడ ఇండస్ట్రీకి వెళ్లిపోయానని తెలిపారు. కన్నడ ఇండస్ట్రీకి నేను వెళ్ళగా చాలామంది చిరంజీవి నన్ను తొక్కేసారంటూ వార్తలు సృష్టించారు. ఈ వార్తలపై ఈయన స్పందిస్తూ తనని ఎవరు తొక్క లేదని అలా తొక్కేసి ఉంటే తాను బుల్లితెరపై కూడా కనిపించని తెలిపారు.

తెలుగు సినిమా ఇండస్ట్రీలో అవకాశాలు రాకపోవడం వల్ల తాను కన్నడ ఇండస్ట్రీకి వెళ్లానని తెలియజేశారు. ఇక తనకు వెండితెర పై అవకాశాలు రాకపోయినా బుల్లితెరపై అవకాశాలు వస్తున్నాయని వెల్లడించారు. ప్రస్తుతం నటుడు రాజ్ కుమార్ చేసినటువంటి ఈ కామెంట్ సోషల్ మీడియాలో వైరల్ అవుతున్నాయి.