‘భీమవరం బుల్లోడు’ సినిమాలో హీరోయిన్ గా నటించి మంచి గుర్తింపు తెచ్చుకుంది హీరోయిన్ ఎస్తర్. ఆ తరువాత ఆది సాయికుమార్ నటించిన ‘గరం’ సినిమాలో ఓ ఐటెం సాంగ్ లో నటించింది. ‘బోయపాటి రూపొందించిన ‘జయ జానకి నాయక’ సినిమాలో క్యారెక్టర్ ఆర్టిస్ట్ గా కనిపించింది. ఆ తరువాత ఆమెకి టాలీవుడ్ లో పెద్దగా అవకాశాలు రాలేదు. ప్రముఖ సింగర్ నోయల్ ను ప్రేమించి పెళ్లి చేసుకుంది ఎస్తర్. కానీ పెళ్లైన కొన్నాళ్లకే ఈ జంట విడిపోయింది.
దానికి చాలానే కారణాలు ఉన్నాయంటూ రీసెంట్ గా ఓ ఇంటర్వ్యూలో చెప్పుకొచ్చింది ఎస్తర్. నోయల్ ని ఏదైనా విషయం గురించి ప్రశ్నిస్తే సరిగ్గా సమాధానాలు చెప్పేవాడు కాదని తెలిపింది. అలానే అబద్ధాలు బాగా చెప్పేవాడని.. అతడి నుంచి విడిపోవడానికి అది కూడా ఒక కారణమని చెప్పుకొచ్చింది. ఇక సినిమా ఇండస్ట్రీలో అవకాశాలు తగ్గడానికి గల కారణాలను వివరించింది. ఆఫర్స్ రావాలంటే కమిట్మెంట్ అడిగారని.. వాటికి ఒప్పుకోకపోతే కెరీర్ ఇక్కడితోనే ముగిసిపోతుందని..
ముందుకు వెళ్లలేవని బెదిరించారని షాకింగ్ కామెంట్స్ చేసింది. ఇండస్ట్రీలో క్యాస్టింగ్ కౌచ్ ఎదుర్కొన్నానని.. వాళ్లు పరోక్షంగా అర్ధమయ్యేలా చెప్తారని తెలిపింది. నీకంటే వెనుక వచ్చినవాళ్లు ముందుకు వెళ్లిపోతారు.. నువ్ మాట వినకపోతే ఇక్కడే ఆగిపోతామంటూ చెప్పేవారని గుర్తుచేసుకుంది. సినిమా అంటే నాకిష్టం కానీ అదే నా జీవితం కాదని చెప్పింది ఎస్తర్. దానికోసం అంతగా దిగజారాల్సిన అవసరం లేదని.. అందుకే నో చెప్పానని తెలిపింది. ఛాన్స్ రావాలంటే ఇదొక్కటే దారి అంటే నాకవసరమే లేదని తెలిపింది.
ఇంతలో తనకు కన్నడ ఇండస్ట్రీలో మంచి అవకాశాలు వచ్చాయని చెప్పుకొచ్చింది. ఈ క్యాస్టింగ్ కౌచ్ విషయంలో ఎవరో ఒక్కరిది తప్పని చెప్పలేమని.. ఎవరినీ బ్లేమ్ చేయలేనని చెప్పుకొచ్చింది ఎస్తర్.
Most Recommended Video
ఖిలాడి సినిమా రివ్యూ & రేటింగ్!
సెహరి సినిమా రివ్యూ & రేటింగ్!
10 మంది పాత దర్శకులితో ఇప్పటి దర్శకులు ఎవరు సరితూగుతారంటే..!
