సమంత ను ఓ రేంజ్లో పొగిడేసిన కీర్తి సురేష్..!

November 5, 2020 / 12:47 PM IST

‘మహానటి’ తో తిరుగులేని స్టార్ గా ఎదిగిన కీర్తి సురేష్ ప్రస్తుతం చేతినిండా సినిమాలతో బిజీగా గడుపుతుంది. ఈ లాక్ డౌన్ టైంలో ఇప్పటికే ఆమె నుండీ రెండు సినిమాలు ఓటిటిలో విడుదలయ్యాయి. అమెజాన్ ప్రైమ్ లో విడుదలైన ‘పెంగ్విన్’ కు యావరేజ్ టాక్ వచ్చినప్పటికీ జనాలు బాగానే చూసారు.ఇక ఆమె నటించిన మరో చిత్రం ‘మిస్ ఇండియా’ కూడా ఈ మధ్యనే నెట్ ఫ్లిక్స్ లో విడుదలయ్యింది. కీర్తి సురేష్ క్రేజ్ వల్ల ఈ చిత్రాన్ని కూడా ఎక్కువ మందే వీక్షిస్తున్నారు.

రోజు రోజుకి ఈ చిత్రానికి ఆదరణ పెరుగుతూ వస్తోంది. ఇక కీర్తి సురేష్ కూడా ఈ చిత్రానికి తనవంతు ప్రమోషన్లు చేస్తూ బిజీగా గడుపుతుంది. ఈ నేపథ్యంలో తన ట్విట్టర్ ద్వారా అభిమానులతో చిట్ చాట్ చేసింది. కీర్తి తన అభిమానులు అడిగిన ప్రశ్నలకు చాలా ఓపికగా సమాధానం ఇచ్చిందనే చెప్పాలి.ఈ క్రమంలో ఓ నెటిజెన్.. స్టార్ హీరోయిన్ సమంత గురించి ఒక మాట చెప్పమని కోరాడు..? అతని ప్రశ్నకు కీర్తి జవాబిస్తూ..

Keerthy Suresh says no to Mega Heros1

“సమంత గురించి ఒక్క మాట చెబితే సరిపోదు. ఆమె చాలా స్మార్ట్. ప్రయోగాత్మక సినిమాలు చెయ్యడానికి ముందుంటుంది. ఆమె ఇప్పటి హీరోయిన్లందరికీ ఇన్స్పిరేషన్ అని చెప్పాలి” అంటూ చెప్పుకొచ్చింది.