‘ఇస్మార్ట్‌ శంకర్‌’తో (iSmart Shankar) టాలీవుడ్‌లో అడుగుపెట్టి ఇస్మార్ట్‌ బ్యూటీ అనిపించుకుంది నభా నటేశ్‌ (Nabha Natesh) . ఆ తర్వాత ఒకట్రెండు సినిమాలు ఓకే చేసినా సరైన విజయం అందకపోవడంతో ఇబ్బందికర పరిస్థితి ఎదుర్కుంటుందేమో అని అనుకున్నారంతా. అయితే అనూహ్యంగా ఆమె సినిమాలకు దూరమైంది. ఏమైందో కూడా తెలియలేదు. అనూహ్యంగా మళ్లీ ‘నేనున్నా’ అంటూ సోషల్‌ మీడియాలో కనిపిచింది. ఇప్పుడు ‘డార్లింగ్‌’ అంటూ త్వరలో ప్రేక్షకుల ముందుకు రాబోతోంది. కెరీర్‌లో వరుస అవకాశాలు అందుకుంటున్న సమయంలో నభా నటేశ్‌ సినిమాలకు దూరం కావడానికి కారణం ఓ రోడ్డు ప్రమాదం అని ఇటీవల తెలిసింది.
అయితే ఎలా జరిగింది, ఏం జరిగింది అనేది చెప్పడం లేదు. ఈ విషయంలో రీసెంట్‌గా మరికొంత సమాచారం ఇచ్చింది నభా. అయితే పూర్తి ఇన్ఫర్మేషన్‌ లేకపోవడంతో ప్రశ్నలు అలానే ఉండిపోయాయి. ఇంతకీ ఏం చెప్పిందంటే.. యాక్సిడెంట్‌ అయిన తర్వాత కొన్నాళ్లు సినిమాలు చేయలేదు. ఏ మనిషి అయినా శారీరకంగా గాయపడితే, మానసికంగానూ ఇబ్బందులు పడతారు. ‘ఇస్మార్ట్‌ శంకర్‌’ సినిమా తర్వాత ప్రమాదం బారినపడ్డా.
అప్పుడు నా మూడు సినిమాలు విడుదలకు సిద్ధంగా ఉన్నాయి. మరోవైపు గాయం నుండి కోలుకోవడానికి ఆపరేషన్‌ చేయించుకోవాల్సి వచ్చింది. అయితే షూటింగ్‌ పూర్తి చేసేద్దామని ఆపరేషన్‌ జరిగిన పది రోజులకే షూట్‌కి వెళ్లాను. ఆ పనే నా కెరీర్‌పై ప్రభావం చూపించింది అని చెప్పింది నభా. చేసిన ఆ నిర్లక్ష్యం వల్ల గాయం తిరగబెట్టింది. దీంతో రిహాబిలిటేషన్‌ తీసుకోవాల్సి వచ్చింది.
అంతేకాదు మరో సర్జరీ కూడా చేశారు. గాయాలైనప్పుడు, ఎముకలు విరిగినప్పుడు శ్రద్ధ తీసుకుని, అవి మానడానికి తగిన సమయం ఇవ్వాలి అని అర్థమైంది. అందుకే ఇన్నాళ్లూ అగాను. ఆ తర్వాత ఏ సినిమా చేద్దాం అనుకుంటుండగా.. ‘డార్లింగ్‌’ నా దగ్గరకు వచ్చింది అని నభా చెప్పింది. ప్రియదర్శి (Priyadarshi) మరో కీలక పాత్రలో నటించిన ఈ సినిమా జులై 19న ప్రేక్షకుల ముందుకు రానుంది.
Home