దక్షిణాది సినీ ఇండస్ట్రీలో నటిగా ఎంతో మంచి గుర్తింపు సంపాదించుకున్న నిత్యమీనన్ ప్రస్తుతం వరుస సినిమాలతో ఎంతో బిజీగా ఉన్నారు. ఈమె కేవలం సినిమాలు మాత్రమే కాకుండా వెబ్ సిరీస్ లలో కూడా నటిస్తూ బిజీగా ఉన్నారు.కెరియర్ మొదటి నుంచి ఎలాంటి గ్లామర్ షో చేయకుండా కథ ప్రాధాన్యత ఉన్న సినిమాలను ఎంపిక చేసుకొని ప్రేక్షకుల ముందుకు వస్తున్నారు. ఇలా ఎన్నో అద్భుతమైన పాత్రలలో నటించి మెప్పించిన నిత్యామీనన్ డబ్బు కోసమే తాను సినిమాలలోకి రాలేదంటూ పలుమార్లు తెలియజేశారు.
ఇలా సినిమాల పరంగా ఎంతో బిజీగా ఉండే నిత్యమీనన్ సోషల్ మీడియాలో కూడా చాలా యాక్టివ్ గా ఉంటారు. ఈ క్రమంలోనే సోషల్ మీడియా వేదికగా ఈమె తనకు సంబంధించిన అన్ని విషయాలను అభిమానులతో పంచుకుంటారు. ఇకపోతే తాజాగా ఈమె ఒక చంటి బిడ్డను ఎత్తుకొని ఆడిస్తున్నటువంటి ఫోటోలను సోషల్ మీడియాలో షేర్ చేయడంతో ఒక్కసారిగా ఈ ఫోటోలు వైరల్ అయ్యాయి. గతంలో ఓ సినిమా షూటింగ్ నిమిత్తం ఈమె ప్రెగ్నెన్సీ కిట్టుకు సంబంధించిన ఫోటోలను షేర్ చేశారు.
అయితే తాజాగా చంటి బిడ్డను ఆడిస్తున్న ఫోటోలను షేర్ చేయడంతో ఇది కూడా సినిమాలో భాగమైనా అని సందేహాలు వ్యక్తం అవుతున్నాయి. మరి అసలు విషయం ఏంటి అనే విషయానికి వస్తే… నిత్యామీనన్ తాజాగా తిరుపతిలోని వరదయ్యపాలెం మండలంలోని బత్తలవల్లం గ్రామంలో గల కల్కి ఆశ్రమాన్ని సందర్శించింది. అనంతరం కాంభాగం ఆలయాన్ని దర్శించుకుని అక్కడే ఉన్నటువంటి గిరిజన మహిళలతో ముచ్చటించారు.
ఇలా నిత్యమీనన్ వెళ్లడంతో అక్కడ ఉన్నటువంటి పిల్లలు తన చుట్టూ చేరి ఆటపాటలతో సందడి చేశారు. ఈ క్రమంలోనే నిత్యామీనన్ ఒక మహిళ చేతిలో ఉన్నటువంటి చంటి బిడ్డను ఎత్తుకొని ఆడించారు.ఇక వారి ఆరోగ్య పరిస్థితిల గురించి అడిగి తెలుసుకున్నారు. అయితే నిత్యామీనన్ ఒక వారం రోజుల పాటు ఇదే ఆశ్రమంలో ఉండబోతున్నారని తన నూతన సంవత్సర వేడుకలను కూడా ఇక్కడే జరుపుకోనున్నట్లు తెలుస్తోంది.
18 పేజెస్ సినిమా రివ్యూ& రేటింగ్!
ధమకా సినిమా రివ్యూ& రేటింగ్!
ఈ ఏడాది ఓవర్సీస్ లో 1 మిలియన్ కొట్టిన సినిమాల లిస్ట్..!
టాప్ 10లో తెలుగు ఇండస్ట్రీ నుండి ఎన్ని సినిమాలు ఉన్నాయంటే..?
