బాలకృష్ణ హీరోగా తెరకెక్కుతున్న అఖండ సినిమాలో ప్రగ్యా జైస్వాల్ తో పాటు పూర్ణ కూడా కీలక పాత్రలో నటిస్తున్న సంగతి తెలిసిందే. పూర్ణ పాత్ర నెగిటివ్ షేడ్స్ తో ఉంటుందని ఇండస్ట్రీ వర్గాల్లో వినిపిస్తోంది. ఈ సినిమా రిలీజ్ డేట్ ప్రకటన కోసం ప్రేక్షకులు ఆసక్తిగా ఎదురుచూస్తుండగా త్వరలో రిలీజ్ డేట్ కు సంబంధించి స్పష్టత వచ్చే అవకాశం ఉంది. తాజాగా పూర్ణ అఖండ మూవీ గురించి, బాలయ్యతో వర్క్ ఎక్స్‌పీరియన్స్ గురించి మాట్లాడుతూ కీలక విషయాలను వెల్లడించారు.
బాలయ్య ఎంతో క్రమశిక్షణ కలిగిన వారని తోటి వ్యక్తులకు ఎంతో గౌరవం ఇస్తారని పూర్ణ తెలిపారు. బాలకృష్ణ సింహం అని తొలిసారి కలిసిన సమయంలో బాలయ్య తనను “పూర్ణగారు ఎలా ఉన్నారు” అని అడిగారని బాలయ్య ఇచ్చిన గౌరవం, మాట్లాడే విధానం చూసి తాను ఆశ్చర్యపోయానని పూర్ణ పేర్కొన్నారు. బాలయ్య ఫోటోను ఫోన్ లో వాల్ పేపర్ గా పెట్టుకుంటానని బాలకృష్ణకు చెప్పానని పూర్ణ తెలిపారు. ప్రతిరోజూ లేవగానే బాలయ్య ఫోటోను చూసి సింహంలా పని చేయాలని తనకు ఉంటుందని పూర్ణ పేర్కొన్నారు.
బాలయ్య సెట్ కు వచ్చి డైరెక్టర్ మాట వింటారని మరో మాట కూడా మాట్లాడరని అది బాలేదని ఇది బాలేదని చెప్పరని బాలయ్యతో మరిన్ని సినిమాలు చేసి ఆయన నుంచి మరింత స్పూర్తిని పొందాలని ఆశిస్తున్నానని పూర్ణ వెల్లడించారు. థమన్ ఈ సినిమాకు మ్యూజిక్ అందిస్తుండగా శ్రీకాంత్ ఈ సినిమాలో విలన్ గా నటిస్తున్నారు. బాలయ్య, బోయపాటి శ్రీను కాంబో మూవీ కావడంతో ఈ సినిమాపై భారీగా అంచనాలు ఏర్పడ్డాయి.
Most Recommended Video
టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!
