సీనియర్ నటి ప్రగతి అందరికీ సుపరిచితమే.సినిమాల్లో తల్లి, అత్త, వదిన,పిన్ని వంటి పాత్రలు పోషించి బాగా ఫేమస్ అయ్యింది. ఈమె గురించి చెప్పుకోవాలి అంటే… ‘కోవిడ్ లాక్ డౌన్ కు ముందు..కోవిడ్ లాక్ డౌన్ తర్వాత’ అని చెప్పుకోవాలి. అప్పటివరకు ప్రగతి అంటే ఓ సీనియర్ ఆర్టిస్ట్ మాత్రమే అన్నట్లు ప్రేక్షకులు అనుకునేవారు. కానీ లాక్ డౌన్ టైంలో ఈమె తనలోని బోల్డ్ నెస్ ను పరిచయం చేసి అందరికీ షాకిచ్చింది.
జిమ్ లో వర్కౌట్స్ చేస్తున్న వీడియోలు, డాన్స్ వీడియోలు షేర్ చేసి యూత్ ను సైతం ఆకర్షించింది. ఇక హైదరాబాద్ లో పుట్టి పెరిగిన ప్రగతి, చిన్నప్పుడు కార్టూన్ పాత్రలకు వాయిస్ ఓవర్ చెప్పేది.అలా తన కెరీర్ ను ప్రారంభించింది. ఇక ఈమె కాలేజీలో చదువుకునే రోజుల్లోనే… హీరోయిన్ గా అవకాశాన్ని దక్కించుకుంది.పలు తమిళ, మలయాళ సినిమాల్లో హీరోయిన్ గా నటించింది కానీ అవి ఈమెకు ఆశించిన సక్సెస్ ను కట్టబెట్టలేకపోయాయి.
కొన్నాళ్ల గ్యాప్ తర్వాత తెలుగులో మహేష్ బాబు నటించిన ‘బాబీ’ చిత్రంతో ఈమె రీ ఎంట్రీ ఇచ్చింది. ఆ చిత్రంలో ఈమె మహేష్ కు తల్లిగా నటించింది. ఇటీవల ఓ ఇంటర్వ్యూలో పాల్గొన్న ప్రగతి లాక్ డౌన్ టైంలో ఎదుర్కొన్న ఆర్థిక ఇబ్బందుల గురించి చెప్పి అందరినీ షాక్ కు గురిచేసింది. ప్రగతి మాట్లాడుతూ.. “లాక్ డౌన్ టైంలో నేను చాలా ఆర్థిక ఇబ్బందులు ఎదుర్కొన్నాను. కరోనా టైంలో షూటింగ్స్ లేవు. డబ్బుల్లేక ఇబ్బందులు ఎదురయ్యాయి.
ఈ క్రమంలో నా నగలు తాకట్టు పెట్టి ఆ గడ్డు పరిస్థితి నుండి బయట పడాల్సి వచ్చింది.అలాగే నా ఫ్యామిలీ లైఫ్ సాఫీగా సాగాలని చాలా ప్రయత్నించాను. కానీ నా ప్రయత్నాలు ఫలించలేదు. అందుకే విడాకులు తీసుకున్నాను.నా పిల్లలను నేనే చదివించాను. ఇప్పుడు వాళ్ళు తన జీవితం గురించి సొంత నిర్ణయాలు తీసుకునే స్థాయికి ఎదిగారు” అంటూ ఆమె చెప్పుకొచ్చింది. ప్రస్తుతం ఈమె కామెంట్స్ వైరల్ అవుతున్నాయి.
Most Recommended Video
ఓరి దేవుడా సినిమా రివ్యూ & రేటింగ్!
ఓరి దేవుడా సినిమా రివ్యూ & రేటింగ్!
ప్రిన్స్ సినిమా రివ్యూ & రేటింగ్!
అత్యధిక కేంద్రాల్లో సిల్వర్ జూబ్లీ ప్రదర్శించబడిన సినిమాల లిస్ట్ ..!
