హీరోయిన్ల హవా ఎప్పటి వరకూ కొనసాగుతుందనేది ఎవ్వరూ చెప్పలేరు. వాళ్ళకు ఏ సినిమాతో క్రేజ్ వస్తుందో.. ఏ సినిమాతో క్రేజ్ పోతుందో.. నిజానికి వాళ్ళకి కూడా తెలీదు. ఇప్పుడున్న పరిస్థితుల్లో ఒక్క ప్లాప్ పడినా నిలదొక్కుకోవడం కష్టం. బహుశా అలాంటి సిట్యుయేషన్ నే ఫేస్ చేసి దూరమైపోయినట్టుంది హీరోయిన్ శాన్వి శ్రీవాస్తవ. ఆది సాయికుమార్ హీరోగా వచ్చిన ‘లవ్లీ’ చిత్రంతో టాలీవుడ్ కు పరిచయమైన ఈ భామ.. మొదటి చిత్రంతోనే మంచి హిట్ అందుకుంది. నటన తో కూడా పర్వాలేదనిపించింది. అయినప్పటికీ ఎందుకో ఎక్కువ అవకాశాలు రాలేదు. ‘అడ్డా’ ‘రౌడీ’ ‘ప్యార్ మే పడిపోయానే’ వంటి చిత్రాల్లో అవకాశాలు వచ్చినా.. అవి ప్లాప్ అవ్వడంతో.. దర్శకనిర్మాతలు ఈమె వైపు చూడలేదు.
దాంతో కన్నడ ఇండస్ట్రీకి చెక్కేసింది. అక్కడ ఈమెకు మంచి క్రేజ్ లభించిందని చెప్పాలి. దీంతో రక్షిత్ శెట్టి జోడీగా నటించే అవకాశం కొట్టేసింది. ఆయన హీరోగా నటిస్తోన్న ‘అవనే శ్రీమన్నారయణ’ చిత్రాన్ని తెలుగులో ‘అతడే శ్రీమన్నారాయణ’ పేరుతో విడుదల చేస్తున్న సంగతి తెలిసిందే. సచిన్ రవి డైరెక్ట్ చేసిన ఈ చిత్రం ట్రైలర్ ఈ మధ్యే విడుదలయ్యి మంచి టాక్ ను సంపాదించుకుంది. నిన్న (బుధవారం) రోజున ఈ చిత్రం ప్రీ రిలీజ్ వేడుకను నిర్వహించారు. ఈ సందర్భంగా శాన్వి మాట్లాడుతూ స్టేజ్‌ పైనే ఏడ్చేసింది. ఆమె మాట్లాడుతూ.. “నాది చాలా చిన్న వయసనో, లేక సరిగ్గా నటించననో, లేక అందంగా లేననో తెలీదు కానీ నాకు ‘రౌడీ’ సినిమా తర్వాత తెలుగులో అవకాశాలు రాలేదు. దాదాపు ఏడాదిన్నర పాటు చేతిలో సినిమాలు లేకుండా కూర్చున్నాను. ఎన్నో రాత్రిళ్లు కుమిలిపోయా. ఎక్కడ తప్పు జరిగిందో తెలీక ఏడ్చేదాన్ని. కానీ నాకు ‘అతడే శ్రీమన్నారాయణ’ ద్వారా తెలుగు ప్రేక్షకులను మళ్ళీ పలకరించే అవకాశం లభించింది. తెలుగులో నాకు అవకాశాలు రాకపోవడంతో నాలో కాన్ఫిడెన్స్ పోయింది. కనీసం ఈ చిత్రంతోనైనా తెలుగు వారు నాలోని టాలెంట్‌ను గుర్తించి.. నాకు అవకాశాలు ఇస్తారని ఎదురుచూస్తున్నాను’’ అంటూ కన్నీళ్ళు పెట్టుకుంది శాన్వి.
వెంకీ మామ సినిమా రివ్యూ & రేటింగ్!
అమ్మ రాజ్యంలో కడప బిడ్డలు సినిమా రివ్యూ & రేటింగ్!
