బాలీవుడ్ ఇండస్ట్రీలో అగ్ర నటిగా ఎంతో మంచి పేరు ప్రఖ్యాతలు సంపాదించుకున్న నటి అలియా భట్ ప్రస్తుతం వరుస సినిమాలతో ఎంతో బిజీగా ఉన్నారు. తాజాగా ఈమె తన భర్త రణబీర్ కపూర్ సరసన నటించిన బ్రహ్మాస్త్ర సినిమా విడుదలకు సిద్ధంగా ఉంది.ఈ సినిమా త్వరలోనే విడుదల కానున్న నేపథ్యంలో బాయ్ కాట్ బ్రహ్మాస్త్ర అంటూ పెద్ద ఎత్తున బాలీవుడ్ ప్రేక్షకులు పోస్టులు పెడుతూ ఈ సినిమాని బాయ్ కాట్ చేయాలంటూ డిమాండ్ చేస్తున్నారు.
గత కొంతకాలం నుంచి బాలీవుడ్ ఇండస్ట్రీకి బాయ్ కాట్ సెగ తగులుతూనే ఉంది. ఇప్పటికే ఎంతోమంది హీరోలు నటించిన సినిమాలు విడుదలవుతున్న నేపథ్యంలో పెద్ద ఎత్తున ప్రేక్షకులు బాయ్ కాట్ అంటూ ట్రెండ్ చేస్తున్నారు.ఇకపోతే బాలీవుడ్ ఇండస్ట్రీలో అలియా భట్ కుటుంబం పట్ల చాలామందికి తీవ్ర వ్యతిరేకత ఉన్న విషయం మనకు తెలిసిందే. ఈ క్రమంలోనే మహేష్ భట్ ఫ్యామిలీపై తరచూ ఏదో ఒక వివాదం చెలరేగుతూనే ఉంటుంది.
ఈ క్రమంలోనే ఒక ఇంటర్వ్యూలో పాల్గొన్న అలియా భట్ బాలీవుడ్ ఇండస్ట్రీలో ఉన్నటువంటి నెపోటిజం గురించి, తాను నెపోకిడ్ అంటూ వచ్చే వార్తలు గురించి ఆసక్తికరమైన వ్యాఖ్యలు చేశారు ఈ సందర్భంగా ఆమె మాట్లాడుతూ.. నేను కావాలని ఆ కుటుంబంలో జన్మించలేదు. నేను నెపోకిడ్ అయితే సినిమాలు చేయకూడదా,నా ఫ్యామిలీ సపోర్ట్ నాకు కేవలం ఫస్ట్ సినిమా వరకు మాత్రమే ఉంటుంది ఆ తర్వాత నా టాలెంట్ తో నేను ముందుకు వెళ్లాల్సి ఉంటుంది అంటూ ఈమె షాకింగ్ కామెంట్ చేశారు.
నా గురించి వచ్చే ఇలాంటి వ్యాఖ్యలను నేను ఏమాత్రం పట్టించుకోను నా పని నేను చేసుకుంటూ వెళ్తాను ఒకవేళ మీకు నేను నచ్చకపోతే నా సినిమాలు చూడటం మానేయండి అంటూ అలియా భట్ షాకింగ్ కామెంట్స్ చేశారు. ఈ వ్యాఖ్యలు ప్రస్తుతం వైరల్ కావడంతో బాలీవుడ్ ప్రేక్షకులు మరోసారి వ్యాఖ్యలని వ్యతిరేకిస్తూ బాయ్ కాట్ అలియా ట్రెండ్ ని మొదలుపెట్టారు నెటిజన్లు. త్వరలో అలియా బ్రహ్మాస్త్ర సినిమా విడుదల కావడంతో ఈ సినిమాని కూడా బాయ్ కాట్ చేయాలంటే పోస్టులు చేస్తున్నారు.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home