Actress Sneha: స్నేహ పవర్ఫుల్ జిమ్ వర్కౌట్స్.. మాములు ఫిట్నెస్ కాదు!

September 25, 2021 / 11:54 AM IST

కొంతమంది నటీమణులు హాట్ షోతో ఎక్కువగా ఆకట్టుకోకపోయినప్పటికీ ప్రేక్షకుల మదిలో అలా నిలిచిపోతారు. కేవలం చిరునవ్వుతో ఆకట్టుకునే హీరోయిన్స్ కూడా చాలా మంది ఉన్నారు. అలాంటి అతికొద్ది మంది అందమైన హీరోయిన్స్ లలో స్నేహ కూడా ఉన్నారు. సినిమాలలో ఎక్కువగా గ్లామర్ డోస్ పెంచకుండా వీలైనంత వరకు అందరికి నచ్చేలా పాత్రలను సెలెక్ట్ చేసుకున్నారు. అంతే కాకుండా వల్గర్ గా కనిపించే విధంగా ఏ మాత్రం అడుగులు వేయలేదు. సినిమాకు ఎంత అవసరమో ఆ స్థాయిలోనే గ్లామర్ షో ఇవ్వడానికి ప్రయత్నం చేసింది.

ఇక ఎక్కువగా ఆమె ట్రెడిషినల్ లుక్ తో ఆకట్టుకున్న ఓ తరం సావిత్రి అని చెప్పవచ్చు. ఇక స్నేహ నాలుగు పదుల వయస్సు దాటిన తర్వాత కూడా ఒకే తరహా అందంతో ఆకట్టుకోవడం విశేషం. ఇక ఆ అందాన్ని కాపాడుకోవడానికి ఆమె నేటి తరం హీరోయిన్స్ తరహాలోనే వర్కౌట్ చేస్తోంది. రీసెంట్గా అధిక బరువులు మోస్తున్న వీడియో ఒకటి సోషల్ మీడియాలో వైరల్ గా మారింది. ఈ వయసులో కూడా స్నేహ అదే అందంతో పాటు సరైన ఫిట్నెస్ కొనసాగించడానికి అసలు కారణం వ్యాయామం అని మరోసారి అర్థమయ్యేలా చెప్పింది.

ఇక ఇక పెళ్లి అనంతరం ఇద్దరు పిల్లలకు జన్మనిచ్చిన తర్వాత స్నేహ హీరోయిన్ గా సినిమాలు చేయడం లేదు. కేవలం అతి ముఖ్యమైన పాత్రల్లో మాత్రమే నటిస్తోంది. ఆ మధ్యకాలంలో సన్నాఫ్ సత్యమూర్తి అలాగే వినయ విధేయ రామ వంటి సినిమాలలో స్పెషల్ పాత్రలతో ఫ్యామిలీ ఆడియన్స్ ని ఎంతగానో ఆకట్టుకుంది.