Sneha Nambiar: బాబు పక్కన భార్యగా నా ఫోటోలు చూసి చాలా బాధపడ్డాను!

September 26, 2023 / 06:23 PM IST

ప్రముఖ దివంగత సినీ నటుడు శరత్ బాబు గత కొద్దిరోజుల క్రితం అనారోగ్య సమస్యలతో బాధపడుతూ మరణించిన సంగతి మనకు తెలిసిందే. ఆ సమయంలో ఈయన గురించి ఎన్నో రకాల వార్తలు వచ్చాయి. శరత్ బాబు నటుడుగా ఇండస్ట్రీలో ఎంతో మంచి గుర్తింపు సంపాదించుకున్నప్పటికీ వ్యక్తిగత జీవితంలో మాత్రం కాస్త ఒడిదుడుకులను ఎదుర్కొని చివరికి ఒంటరిగానే మరణించారని చెప్పాలి. శరత్ బాబు మూడు పెళ్లిళ్లు చేసుకున్నప్పటికీ ముగ్గురు భార్యలకు దూరమయ్యారు.

ఇక ఈయనకు పిల్లలు కూడా లేకపోవడంతో చివరి రోజులలో ఒంటరిగా తన కుటుంబ సభ్యుల సహాయంతో ఆసుపత్రిలో చికిత్సలు తీసుకుంటూ చివరికి హైదరాబాద్ లోని ఒక ప్రముఖ ప్రైవేట్ హాస్పిటల్లో ఈయన తుది శ్వాస విడిచారు. ఇక ఈయన మొదటి భార్య రమాప్రభ కొన్ని కారణాలవల్ల వీరిద్దరు విడిపోయిన సంగతి తెలిసిందే. ఇక రెండో భార్య స్నేహా నంబియార్ అంటూ పెద్ద ఎత్తున ఫోటోలు వైరల్ అయ్యాయి. అయితే తాజాగా నటి స్నేహ నంబియార్ ఒక ఇంటర్వ్యూలో పాల్గొని శరత్ బాబు గురించి పలు విషయాలను వెల్లడించారు.

తాను శరత్ బాబు భార్యను కాదని తెలిపారు శరత్ బాబు రెండవ భార్య పేరు కూడా స్నేహ నంబియార్ ఈమె ప్రముఖ నటుడు నంబియార్ అయితే ఆ స్నేహ నేను ఇద్దరూ ఒకటి కాదు మా ఇద్దరు పేర్లు ఒకటే కావటం వల్ల నేనే శరత్ బాబు భార్య అనుకున్నారని ఈమె తెలిపారు. ఇలా మా ఇద్దరి పేర్లు ఒకటి కావడంతో తనని శరత్ బాబు రెండో పెళ్లి చేసుకున్నారని విడాకులు కూడా తీసుకున్నాము అంటూ మా ఇద్దరి ఫోటోలను సోషల్ మీడియాలో వైరల్ చేశారు అయితే ఆ ఫోటోలను చూసిన నేను ఎంతో బాధపడ్డానని ఈమె తెలియజేశారు.

శరత్ బాబు మరణించిన సమయంలో కూడా మా ఇద్దరి ఫోటోలను వైరల్ చేశారు. అయితే నేను శరత్ బాబు రెండవ భార్యని కాదని ఈ సందర్భంగా ఈమె ఇన్ని రోజులకు ఈ విషయం గురించి మాట్లాడుతూ క్లారిటీ ఇచ్చారు. నా పేరు కేవలం స్నేహ మాత్రమేనని నంబియార్ కేరళలోని కన్నూరులో ఒక వర్గం. అందుకే నా పేరు వెనుక మా వర్గానికి సంబంధించిన ఈ పేరును పెట్టుకున్నానని అందుకే చాలామంది నేనే శరత్ బాబు భార్యను అనుకుంటున్నారు అంటూ ఈ సందర్భంగా (Sneha Nambiar) ఈమె చేసిన ఈ కామెంట్స్ వైరల్ అవుతున్నాయి.