నటి సునయన సోషల్ మీడియా వేదికగా ఓ వీడియోను రిలీజ్ చేసింది. సాయం చేయమని కోరుతూ ఆమె పోస్ట్ చేసిన ఈ వీడియో వైరల్ అవుతోంది. ఇప్పటివరకు తనెప్పుడూ ఎవరి సాయం అడగలేదని కానీ మొదటిసారి అడుగుతున్నా అంటూ ఎమోషనల్ గా మాట్లాడింది. ‘పెళ్లికి ముందు ప్రేమ కథ’ చిత్ర నిర్మాత అవినాష్ సలంద్ర ఆరోగ్య పరిస్థితి బాలేదని.. అతడి ట్రీట్మెంట్ కోసం ఆర్ధిక సాయం అందించమంటూ కోరింది. కరోనా బారిన పడ్డ అవినాష్ నెల రోజులుగా హాస్పిటల్ లో ట్రీట్మెంట్ తీసుకుంటున్నాడు.
అతడి ఆర్ధిక పరిస్థితి బాగోలేదని.. మెరుగైన వైద్యం చేయించుకోవాలంటే అతడికి డబ్బు అవసరమని చెప్పిన సునయన.. దయచేసి మీకు తోచినంత డబ్బు ఇవ్వండి అంటూ రిక్వెస్ట్ చేసింది. తను కూడా కోవిడ్ బారిన పడి కోలుకున్నానని.. కాబట్టి అతడు ఎంత నరకం అనుభవిస్తున్నాడో అర్ధం చేసుకోగలనని చెప్పింది. ఎంతోకొంత డబ్బు అతడికి పంపి సాయపడండి అంటూ వేడుకుంది. ఈ వీడియో చూసిన ఆమె అభిమానులు వారికి తోచినంత సాయం అందిస్తున్నారు.
సునయన తెలుగు ‘కుమార్ వర్సెస్ కుమారి’ సినిమాతో హీరోయిన్ గా పరిచయమైంది. ’10th క్లాస్’ సినిమాతో ఆమెకి మంచి గుర్తింపు వచ్చింది. ఆ తరువాత ఎక్కువగా తమిళంలో సినిమాలు చేస్తూ వచ్చింది. ప్రస్తుతం ఆమె ‘ట్రిప్’, ‘ఎరియుమ్ కన్నడి’ సినిమాల్లో వంటి నటిస్తోంది.
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
