Adivi Sesh: హాస్పిటల్ నుంచి డిశ్చార్జ్ అయిన అడివి శేష్!

September 28, 2021 / 09:30 AM IST

తెలుగు నటుడు అడివి శేష్ ఇటీవల అనారోగ్యానికి గురైన విషయం తెలిసిందే. ఇక ఫైనల్ గా శేష్ ఆసుపత్రి నుండి డిశ్చార్జ్ అయ్యారు. వైరల్ డెంగ్యూ జ్వరానికి చికిత్స చేయించుకుని ఇంటికి తిరిగి వచ్చారు. వైద్యుల పర్యవేక్షణలో నటుడు వారం రోజుల పాటు ఆసుపత్రిలోనే ఉన్నాడు. అడివి శేష్ సోషల్ మీడియా ద్వారా ఈ విషయాన్ని అభిమానులకు తెలియజేశారు. ఇంటికి వచ్చినట్లు చెబుతూ కొంత విశ్రాంతి తీసుకొని ఆ తరువాత మళ్ళీ తన వర్క్ తో బిజీ అవుతానని అన్నాడు.

అంతే కాకుండా తను కోలుకోవాలని కోరుకున్న ప్రతి ఒక్కరికి ప్రత్యేక ధన్యవాదాలు తెలియజేశారు. సెప్టెంబర్ 20 న డెంగ్యూ సోకినందున రక్తంలో ప్లేట్‌లెట్ల సంఖ్య అకస్మాత్తుగా తగ్గడంతో శేష్‌ను హైదరాబాద్‌లోని ఒక ప్రైవేట్ ఆసుపత్రికి తరలించారు.ఒక వారం పాటు వైద్యులు అతని ఆరోగ్యాన్ని నిశితంగా పరిశీలించారు. ఇక డిశ్చార్జ్ అనంతరం విశ్రాంతి తీసుకోవాలని సూచించారు. ఇక శేష్ శశి కిరణ్ దర్శకత్వంలో మేజర్ చిత్రీకరణను పూర్తి చేయడంలో బిజీగా ఉన్నాడు.

శేష్ అందులో మేజర్ సందీప్ ఉన్నికృష్ణన్ పాత్రలో నటిస్తున్నాడు. ఇక సినిమా కథ ఉన్నికృష్ణన్ జీవిత ప్రయాణంతో పాటు 26/11 ఘటన చుట్టూ తిరుగుతుంది. COVID-19 మహమ్మారి కారణంగా ఈ సినిమా షూటింగ్ ఇంతకు ముందు నిలిపివేయబడింది. అలాగే హిట్ 2 సినిమాను కూడా ఇటీవల సెట్స్ పైకి తీసుకువచ్చిన విషయం తెలిసిందే.