“ఎవరు” సినిమాతో మరో బ్లాక్ బస్టర్ హిట్ సొంతం చేసుకొని ప్రస్తుతం ఆ సెక్సెస్ ను ఎంజాయ్ చేస్తున్న అడివి శేష్.. తన తదుపరి సినిమా కోసం ప్రిపరేషన్స్ మొదలెట్టాడు. మహేష్ బాబు నిర్మాణంలో రూపొందనున్న “మేజర్”తో అడివి శేష్ టైటిల్ పాత్ర పోషించనున్న విషయం తెలిసిందే. తెలుగుతోపాటు ఇతర ప్రాంతీయ భాషల్లోనూ ఏకకాలంలో చిత్రీకరించేందుకు సన్నాహాలు చేస్తున్న ఈ చిత్రం రెగ్యులర్ షూటింగ్ నవంబర్ నుంచి మొదలవ్వనుంది. ఈ సినిమా కోసం సైనికుడిగా కనిపించడం కోసం శేష్ ముందుగా 10 కేజీల బరువు తగ్గనున్నాడు.
“నా పేరు సూర్య” సినిమాలో అల్లు అర్జున్ తరహాలో ఒక పర్ఫెక్ట్ సోల్జర్ గా కనిపించనున్నాడు అడివి శేష్. నిజానికి సైనికుడు అవ్వడం అనేది శేష్ గోల్.. కానీ అది కుదరక సినిమాల్లోకి వచ్చాడట. అలాంటిది తాను రియల్ లైఫ్ లో చేయలేకపోయిన పనిని రీల్ లైఫ్ లో ఆస్వాదించనున్నానని సంబరపడిపోతున్నాడు శేష్. ఈ సినిమాలో నటించబోయే మిగతా క్యాస్టింగ్ ఎవరు అనేది త్వరలోనే తెలియనుంది.
Home