తెలుగు చిత్ర సీమలో కొత్త దర్శకులు తమదైన టేకింగ్‌తో సంచలనాలు సృష్టిస్తున్నారు. గతేడాది సందీప్ వంగ తెరకెక్కించిన “అర్జున్‌ రెడ్డి”తో మొదలైన ఈ జోరును ఈ ఏడాది అజయ్ భూపతి “ఆర్‌ఎక్స్‌ 100″తో కొనసాగించినట్లయింది. బాక్సాఫీస్‌ వద్ద “ఆర్‌ఎక్స్‌ 100” సూపర్ స్పీడ్ తో వసూళ్లు రాబట్టి నిర్మాతలకు, డిస్ట్రిబ్యూటర్లకు భారీ లాభాలు తెచ్చిపెట్టింది. అజయ్ భూపతి టేకింగ్‌పై విమర్శకుల నుంచి సైతం ప్రశంసలు లభిస్తున్నాయి. ఈ క్రమంలోనే “నీ వద్ద అసిస్టెంట్‌గా పనిచేయనిస్తావా” అంటూ వర్మ తన శిష్యుడు అజయ్ భూపతిని అడగడం.. అజయ్ ప్రతిభకు నిదర్శనంగా నిలిచింది.
అయితే.. అదే సమయంలో అజయ్ భూపతి తదుపరి చిత్రం రామ్ చరణ్ తో అని టాక్ వినిపించినప్పటికీ, అజయ్ భూపతి ఇంకా నేను కథ రాసుకోవడంలో బిజీగా ఉన్నాననీ ఇంకా తన నెక్స్ట్ సినిమా కథ కూడా రెడీ అవ్వలేదని అజయ్ భూపతి క్లారిటీ ఇచ్చాడు. సో, అజయ్ భూపతి కూడా సందీప్ రెడ్డి తరహాలో “ఆర్ ఎక్స్ 100” హిందీ రీమేక్ ను తన తదుపరి ప్రొజెక్ట్ గా ఎన్నుకోంటాడేమో చూడాలి.
