స్టార్ డైరెక్టర్ బోయపాటి శ్రీను డైరెక్షన్ లో బాలకృష్ణ అఖండ మూవీలో నటిస్తున్న సంగతి తెలిసిందే. ఈ సినిమాపై భారీగా అంచనాలు నెలకొనగా ఈ సినిమా రిలీజ్ డేట్ కోసం బాలయ్య ఫ్యాన్స్ ఆసక్తిగా ఎదురు చూస్తున్నారు. అయితే ఈ సినిమా రిలీజ్ డేట్ గురించి క్లారిటీ రావాలంటే మరికొన్ని రోజులు ఆగాల్సిందే. ఈ సినిమా నుంచి ఫస్ట్ సింగిల్ రిలీజైన సమయంలోనే రిలీజ్ డేట్ గురించి క్లారిటీ రానుందని సమాచారం.
బోయపాటి శ్రీను అఖండ సినిమాలో కేవలం యాక్షన్ సన్నివేశాలనే 80 రోజులు షూట్ చేసినట్టు తెలుస్తోంది. బాలయ్య సినీ కెరీర్ లో ఎక్కువరోజులు షూటింగ్ జరుపుకున్న సినిమాలలో అఖండ ఒకటి. బాలకృష్ణకు జోడీగా ఈ సినిమాలో ప్రగ్య జైస్వాల్ నటిస్తుండగా పూర్ణ ఈ సినిమాలో కీలక పాత్రలో నటిస్తున్నారు. సాలిడ్ మాస్ ఎంటర్టైనర్ గా ఈ సినిమా తెరకెక్కుతుండటం గమనార్హం. అఖండ కోసం నందమూరి ఫ్యాన్స్ ఆసక్తిగా ఎదురుచూస్తున్నారు. సింహా, లెజెండ్ సినిమాలతో బోయపాటి శ్రీను బాలకృష్ణకు కెరీర్ బెస్ట్ బ్లాక్ బస్టర్ హిట్లను ఇచ్చారు.
అఖండ సినిమాతో బాలయ్య గత సినిమాలను మించిన బ్లాక్ బస్టర్ హిట్ సాధిస్తాడని ఫ్యాన్స్ భావిస్తున్నారు. బాలయ్య కెరీర్ లోనే హైయెస్ట్ బడ్జెట్ తో ఈ సినిమా తెరకెక్కుతోంది. దసరా కానుకగా ఈ సినిమా రిలీజయ్యే అవకాశాలు ఎక్కువగా ఉన్నాయి. బాలయ్య ఈ సినిమాలో డ్యూయల్ రోల్ లో నటిస్తుండగా బాలయ్యకు విలన్ గా శ్రీకాంత్ నటిస్తున్నారు.
Most Recommended Video
చాలా డబ్బు వదులుకున్నారు కానీ ఈ 10 మంది యాడ్స్ లో నటించలేదు..!
గత 5 ఏళ్లలో టాలీవుడ్లో రూపొందిన సూపర్ హిట్ రీమేక్ లు ఇవే..!
రాజ రాజ చోర సినిమా రివ్యూ& రేటింగ్!
