బ్యాట్స్ మ్యాన్ కి సింగిల్స్, డబుల్స్ తీస్తే తృప్తి ఉండదు. కొడితే సిక్స్ కొట్టాలి.. అప్పుడే సంతృప్తి ఉంటుంది. ఇలాంటి సిక్స్ లను ఎన్నోకొట్టాడు అఖిల్. హీరోగా సిక్స్ కొట్టలేదు. అదే మంచి హిట్ కొట్టలేదు. అఖిల్ మూవీతో డకౌట్ అయినప్పటికీ … తర్వాత విక్రమ్ కె కుమార్ దర్శకత్వంలో తెరకెక్కిన హలో సినిమాతో కొన్ని రన్స్ తన ఖాతాలో వేసుకున్నారు. అందుకే ఈ సారి సిక్స్ కొట్టాలని ఫిక్స్ అయ్యాడు. తొలి ప్రేమ సినిమాతో సూపర్ హిట్ కొట్టిన వెంకీ అట్లూరి దర్శకత్వంలో నటించబోతున్నారు. ఎస్.ఎస్. థమన్ సంగీతమందిస్తున్న ఈ సినిమా టీమ్ మొత్తం ప్రస్తుతం లండన్లో ఉంది. ఈరోజు నుంచి తొలి షెడ్యూల్ మొదలుకానుంది.
40 రోజుల పాటు నాన్ స్టాప్ గా కొనసాగనున్న ఈ షెడ్యూల్లో కీలక పార్ట్ కంప్లీట్ చేయనున్నారు. నిధి అగర్వాల్ హీరోయిన్ గా నటిస్తున్న ఈ చిత్రంలో అఖిల్ రోల్ ఏంటో బయటికి వచ్చింది. ప్లే బాయ్ గా అఖిల్ ఇందులో ఆకట్టుకోనున్నట్లు తెలిసింది. ప్రేమ అనే విషయాన్నీ ట్రాష్ అనే చెప్పే ఓ యువకుడు నిజంగా ప్రేమలో పడితే ఎలా ఉంటుందో ఈ చిత్రంలో వెంకీ అట్లూరి కొత్తగా చూపించబోతున్నారు. నేటి యువతకి స్టోరీ బాగా కనెక్ట్ అవుతుందని చిత్ర బృందం నమ్మకంతో ఉంది. బీవీఎన్ ప్రసాద్ నిర్మిస్తున్నఈ చిత్రంపై అక్కినేని అభిమానులు ఎన్నో ఆశలు పెట్టుకొని ఉన్నారు.
