నాగార్జునకి 50 ఏళ్ళు పూర్తయ్యాయని, 60కి దగ్గరలో ఉన్నాడని ఆయన చెప్తే తప్ప ఎవరికీ తెలియదు. ఇండస్ట్రీలోని సీనియర్ హీరోలందరూ తమ పక్కన నటించడానికి హీరోయిన్లు లేరని బాధపడుతుంటే.. నాగార్జున మాత్రం హ్యాపీగా తనకంటే 30 ఏళ్ళు చిన్నవాళ్ళైన అమ్మాయిలతో కూడా సరసాలాడుతూ తాను ఇప్పటికీ, ఎప్పటికీ మన్మధుడు అనిపించుకొంటుంటాడు. ఆల్రెడీ.. కొడుకు చైతన్యతో కలిసి నటించిన రకుల్ ప్రీత్ సింగ్ తో “మన్మధుడు 2″లో రొమాన్స్ చేస్తున్న నాగార్జున.. ఈ సినిమాలో మరో కుర్ర హీరోయిన్ అక్షర గౌడతోనూ ఆడిపాడనున్నాడు.
ఈ విషయాన్ని అక్షర గౌడ స్వయంగా ట్విట్టర్ లో షేర్ చేస్తూ.. తాను ఈ చిత్రంలో కథానాయికను కాదను, అలాగే స్పెషల్ అపీరియన్స్ కూడా కాదని కన్ఫర్మ్ చేసింది. ఈ సినిమాలో ఆమెది ఒక గెస్ట్ రోల్ మాత్రమే. కనిపించిన కాసేపు మాత్రం వీరలేవల్లో ఉండబోతోందట. అక్షర గౌడ మామూలు ఫోటోషూట్స్ లోనే కుర్రాళ్లను కాస్త గట్టిగానే వేడెక్కిస్తుంటుంది. ఇక మన్మధుడి పక్కన అమ్మడి అందాల ఆరబోత చూడాల్సిందే. రాహుల్ రవీంద్రన్ దర్శకత్వంలో తెరకెక్కుతున్న ఈ చిత్రాన్ని అన్నపూర్ణ స్టూడియోస్ సంస్థ నిర్మిస్తోంది.
Home