సినిమాల ఎంపిక విషయంలోనే కాక ఆ సినిమాలకు పబ్లిసిటీ చేసే విషయంలోనూ చాలా దూకుడు ప్రదర్శించే బాలీవుడ్ కథానాయకుడు అక్షయ్ కుమార్ తన తాజా చిత్రం “రుస్తుం” కోసం ఒక అడుగు ముందుకేసి సినిమా హీరోయిన్ ఇలియానా గురించి కూడా ప్రమోషన్ చేస్తున్నాడు. ఒక హిందీ సినిమాకు తెలుగులో ప్రమోషన్ అవసరం లేదు.
కానీ.. అక్షయ్ కుమార్ తన హీరోయిన్ ఇలియానా తెలుగులో రీఎంట్రీ కోసం ట్రై చేస్తున్న విషయాన్ని గుర్తించి “రుస్తుం” సినిమా కోసం జీతెలుగులో వచ్చే “కొంచెం టచ్ లో ఉంటే చెబుతాను” షో టీం ను ముంబై పిలిపించి.. అక్కడే సదరు షో స్టేజ్ సెట్ వేసుకోవడానికి యష్ రాజ్ స్టూడియోలో వసతి కల్పించి.. ఆ షోలో తాను పాల్గొనడమే కాకుండా ఇలియానాను కూడా కుదిరినంతలో ప్రమోట్ చేస్తున్నాడు. మరి అక్షయ్ కుమార్ పుణ్యమా అని ఇలియానా తెలుగులో అవకాశాలు అందిపుచ్చుకుంటుందేమో చూడాలి. ఇకపోతే.. “రుస్తుం” ఆగస్ట్ 12న ప్రేక్షకుల ముందుకురానుంది!
