స్టార్ హీరో అల్లు అర్జున్ ప్రస్తుతం పుష్ప సినిమాలో నటిస్తూ ఇప్పటికే విడుదలైన టీజర్ల ద్వారా సినిమాపై భారీస్థాయిలో అంచనాలను పెంచారు. గతంలో పలు వివాదాల ద్వారా వార్తల్లో నిలిచిన బన్నీ ప్రస్తుతం వివాదాలకు దూరంగా ఉంటున్నారు. మూవీ ఆర్టిస్ట్ అసోసియేషన్ ఎన్నికల విషయంలో అల్లు అర్జున్ కానీ అల్లు ఫ్యామిలీ కానీ జోక్యం చేసుకోలేదనే సంగతి తెలిసిందే. ఎన్నికల్లో అల్లు అర్జున్ ఓటు హక్కును వినియోగించుకోలేదు. మెగా ఫ్యామిలీ ప్రకాష్ రాజ్ కు మద్దతు ఇచ్చినా అల్లు అర్జున్ మాత్రం ప్రకాష్ రాజ్ కు మద్దతు తెలపలేదు.
తాజాగా మోస్ట్ ఎలిజిబుల్ బ్యాచిలర్ సక్సెస్ మీట్ కు హాజరైన అల్లు అర్జున్ ఈ వేడుకలో అక్కినేని ఫ్యామిలీతో ఉన్న అనుబంధం గురించి మాట్లాడుతూ కీలక విషయాలను వెల్లడించారు. అఖిల్ లాంఛింగ్ కు సంబంధించి నాగార్జునకు సలహాలు ఇచ్చానని అల్లు అర్జున్ పేర్కొన్నారు. అఖిల్ తొలి సినిమాలో నటించక ముందునుంచి అతనంటే చాలా ఇష్టమని అల్లు అర్జున్ చెప్పుకొచ్చారు. అఖిల్ లాంఛింగ్ విషయంలో తాను చాలా థింక్ చేశానని అల్లు అర్జున్ పేర్కొన్నారు.
ఏపీ టికెట్ల అంశానికి సంబంధించి స్పందించడానికి సైతం బన్నీ ఇష్టపడటం లేదు. అందరివాడు అనిపించుకోవాలని బన్నీ ప్రయత్నాలు చేస్తుండటం గమనార్హం. బన్నీ నటిస్తున్న పుష్ప ఈ ఏడాది డిసెంబర్ 17వ తేదీన రిలీజ్ కానుండగా బన్నీ తరువాత ప్రాజెక్ట్ కు సంబంధించిన వివరాలు తెలియాల్సి ఉంది. బన్నీకి జోడీగా పుష్ప సినిమాలో రష్మిక నటిస్తున్నారు.
Most Recommended Video
మహా సముద్రం సినిమా రివ్యూ & రేటింగ్!
ఒక్కో సినిమాకు ఈ స్టార్ హీరోలు ఎంతెంత డిమాండ్ చేస్తున్నారో తెలుసా?
టాలీవుడ్ లో బి.టెక్ చదువుకున్న 10 మంది లిస్ట్..!
