నిన్నటి నుండీ ప్రభాస్ ను.. అల్లు అర్జున్ టీం తెగ తిట్టిపోస్తున్నారు.ఎందుకు అనే వివరాల్లోకి వెళ్తే.. ‘రాధే శ్యామ్’ ప్రమోషన్లను నిన్నటి నుండీ భారీగా మొదలుపెట్టారు. ముంబైలో రిలీజ్ ట్రైలర్ లాంచ్ ఈవెంట్ ను నిన్న నిర్వహించారు. ఆ ట్రైలర్ ప్రేక్షకుల్ని ఏ రేంజ్లో ఆకట్టుకుందో ప్రత్యేకించి చెప్పనవసరం లేదు. అనంతరం ‘రాధే శ్యామ్’ టీం బాలీవుడ్ మీడియాతో ముచ్చటించింది. ఈ నేపథ్యంలో ప్రభాస్ అనేక విషయాలను మీడియాతో పంచుకున్నాడు. రాజమౌళి తో మళ్ళీ సినిమా ఎప్పుడు ఉంటుంది… దగ్గర్నుండీ తన పెళ్ళి పై కూడా ఫన్నీ సెటైర్ వేసుకుని అందర్నీ నవ్వించాడు.
ఇదే క్రమంలో ప్రభాస్ కు ఓ ప్రశ్న ఎదురైంది. అదేంటంటే.. ‘బాహుబలి’ తర్వాత ‘కె.జి.ఎఫ్’ ‘పుష్ప’ వంటి సౌత్ సినిమాలు హిందీలో కూడా సూపర్ హిట్ అయ్యాయి.. దానికి మీ స్పందన ఏంటి అంటూ ప్రభాస్ ను ఓ విలేకరి ప్రశ్నించాడు. దీనికి ప్రభాస్ కూడా ఆనందం వ్యక్తం చేస్తున్నట్టు తెలిపాడు. వచ్చే రెండు, మూడేళ్ళలో 50కి పైగా సౌత్ సినిమాలు హిందీలో రిలీజ్ అవుతాయి.. అవి కూడా హిట్ అయ్యి సౌత్ రేంజ్ అలాగే ఇండియన్ సినిమా రేంజ్ పెరగాలని ఆశిస్తున్నట్టు చెప్పుకొచ్చాడు.
‘బాహుబలి’ ‘కె.జి.ఎఫ్’ ఇప్పుడు ‘పుష్ప’ లానే అన్ని సినిమాలు సూపర్ హిట్ అవ్వాలని కోరుకుంటున్నట్టు తెలిపాడు. ఈ విషయం పైనే అల్లు అర్జున్ ఫ్యాన్స్ హర్ట్ అయ్యారు. అక్కడ ‘పుష్ప’ ప్రస్తావన వచ్చింది కాబట్టి.. అల్లు అర్జున్ గురించి ఏమైనా రెండు ముక్కలు గొప్పగా చెప్పాలి కదా, విషయాన్నీ అలా సైడ్ ట్రాక్ ఎక్కించేసావు. నువ్వు అల్లు అర్జున్ ఫ్రెండ్ అయ్యుండి కూడా ఇంత ఇన్సెక్యూరిటీ ఏంటి? అంటూ ప్రభాస్ పై విరుచుకుపడుతున్నారు.
అంతేకాదు ‘అల వైకుంఠపురములో’ సక్సెస్ సెలబ్రేషన్స్ లో భాగంగా అతను ‘బాహుబలి’ గురించి ప్రభాస్ గురించి అల్లు అర్జున్ గొప్పగా చెప్పిన వీడియోని కూడా షేర్ చేస్తున్నారు బన్నీ అభిమానులు. అక్కడితో ఆగితే పర్వాలేదు టాలీవుడ్లో బన్నీ తప్ప హీరోలంతా ఇన్సెక్యూరిటీ కలిగిన వాళ్ళే అంటూ ఇష్టమొచ్చిన కామెంట్లు చేస్తున్నారు. అయితే వాళ్ళు ఇక్కడో విషయాన్ని గమనించాలి.. బన్నీ తనకి తానుగా ‘ఒకరి సినిమా ప్లాప్ అయితే ఆనందపడతాను’ అని ఓ సందర్భంలో చెప్పాడు.
అలాగే ‘చెప్పను బ్రదర్’ అంటూ పెద్ద రభసకు కారణమయ్యాడు కూడా. అంతేనా… ‘భీమ్లా నాయక్’ హిట్ అయితే ఇప్పటివరకు అతను స్పందించింది లేదు. ‘బాహుబలి’ గురించి ఒక్క బన్నీ ఏంటి…. చిరంజీవి, పవన్ కళ్యాణ్, మహేష్ బాబు, చరణ్ వంటి ఇంకా పెద్ద స్టార్ హీరోలు కూడా ఓ రేంజ్లో ప్రశంసించి ప్రభాస్ ను ఆకాశానికి ఎత్తేసిన సందర్భాలు కూడా ఉన్నాయి. వీటన్నిటిని బన్నీ అభిమానులు గమనించాలి.
Most Recommended Video
‘భీమ్లా నాయక్’ లోని అదిరిపోయే డైలాగులు ఇవే..!
సెలబ్రిటీ కపుల్స్ నయా ట్రెండ్.. ‘సరోగసీ’..!
చైసామ్, ధనుష్- ఐస్ లు మాత్రమే కాదు సెలబ్రిటీల విడాకుల లిస్ట్ ఇంకా ఉంది..!
Home