స్టైలిష్ స్టార్ అల్లు అర్జున్ హీరోగా సుకుమార్ డైరెక్షన్లో ‘పుష్ప’ అనే రా అండ్ రస్టిక్ మూవీ రూపొందుతోన్న సంగతి తెలిసిందే. ఎర్రచందనం బ్యాక్ డ్రాప్ లో ఈ చిత్రం కథాంశం ఉండబోతుందని ఎప్పటి నుండో టాక్ నడుస్తుంది. రష్మిక మందన హీరోయిన్ గా నటిస్తున్న ఈ చిత్రంలో విలన్ గా జాతీయ అవార్డు గ్ర‌హిత, మ‌ళ‌యాలీ స్టార్ హీరో అయిన ఫహాద్ ఫాజిల్ నటిస్తున్నాడు. అయితే ఈ చిత్రంలో మరో ముఖ్యమైన సబ్ ఇన్స్పెక్టర్ పాత్ర కూడా ఒకటి ఉంటుందట.
కథలో ఇది చాలా కీలకం అని తెలుస్తుంది. ఈ పాత్ర కోసం మొదటి విజయ్ సేతుపతిని ఎంపిక చేశారు. కానీ కొన్ని కారణాల వల్ల అతను తప్పుకున్నాడు. దీంతో ఈ పాత్రకు ఎవరిని ఎంపిక చెయ్యాలా అని దర్శక నిర్మాతలు ఆలోచనలో పడ్డారు. ఎట్టకేలకు ఆ పాత్రకు తమిళ నటుడు మరియు దర్శకుడు అయిన సముద్రఖనిని ఎంపిక చేసినట్టు సమాచారం. సబ్- ఇన్స్పెక్టర్ పాత్ర కోసం ఇతనికి లుక్ టెస్ట్ చెయ్యగా పక్కాగా మ్యాచ్ అయ్యాడట. దాంతో ఈ పాత్రకు ఇతన్నే ఫైనల్ చేసినట్టు తెలుస్తుంది.
అల్లు అర్జున్ గత చిత్రం ‘అల వైకుంఠపురములో’ లో కూడా ఇతను నటించాడు. ఆ చిత్రంలో ఇతను విలన్ గా నటించాడు. అది పెద్ద బ్లాక్ బస్టర్ అయ్యింది. అలాగే ఆయన ఈ ఏడాది నటించిన తెలుగు చిత్రం ‘క్రాక్’ కూడా బ్లాక్ బస్టర్ అయ్యింది. ఇప్పుడు ‘పుష్ప’ లో నటిస్తున్నాడు కాబట్టి.. ఇది కూడా పెద్ద బ్లాక్ బస్టర్ అవుతుందని అటు బన్నీ అలాగే ఇటు అతని అభిమానులు భావిస్తున్నట్టు తెలుస్తుంది.
Most Recommended Video
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
ఈ సక్సెస్ ఫుల్ డైరెక్టర్లు ఒకప్పుడు స్టార్ డైరెక్టర్స్ దగ్గర అసిస్టెంట్లుగా చేసిన వాళ్ళే..!
తన 11 ఏళ్ళ కేరీర్లో సమంత మిస్ చేసుకున్న సినిమాల లిస్ట్..!
