ప్రియా ప్రకాష్ వారియర్ ‘లవర్స్ డే’ కు చీఫ్ గెస్టుగా అల్లు అర్జున్..!

ఒక్కసారి కన్ను కొట్టి సోషల్ మీడియా మొత్తం వైరల్ అయిపొయింది మలయాళ బ్యూటీ ప్రియా ప్రకాష్ వారియర్. అంతే కాదు ఈ ఒక్క వీడియోతో ప్రపంచవ్యాప్తంగా విపరీతమైన క్రేజ్ సంపాదించుకుని.. యూత్ ని కూడా కట్టి పడేసింది. దీంతో మలయాళంతోపాటు తమిళ .. తెలుగు .. హిందీ భాషల నుండీ ప్రియా ప్రకాష్ కు వరుస ఆఫర్లు వస్తుండడం విశేషం. ఆమె డేట్స్ కోసం చాలామంది దర్శక నిర్మాతలు పోటీ పడుతున్నారు ఇంతలా తనను ఫేమస్ చేసిన ఈ వీడియో ‘ఒరు అడార్ లవ్’ అనే చిత్రంలో ఓ పాట మాత్రమే. ఇప్పుడు ఆ చిత్రం విడుదలకు
సిద్ధమవుతోంది. ఈ చిత్రాన్ని మలయాళంతో పాటు తెలుగులో కూడా విడుదల చేయబోతున్నారు.

‘లవర్స్ డే’ పేరుతో తెలుగులో ఈ చిత్రాన్ని ‘సుఖీభవ’ బ్యానర్ పై ఎ.గురురాజ్, సి.హెచ్.వినోద్ రెడ్డి నిర్మాతలుగా వ్యవహరిస్తున్నారు. ఒమర్లు లులు డైరెక్ట్ చేసిన ఈ సినిమా ఆడియో వేడుకను జనవరి 23న సాయంత్రం 6 గంటలకు జెఆర్సీ కన్వెన్షన్లో నిర్వహించనున్నారు. ఇక ఈ వేడుకకు ముఖ్య అతిథిగా స్టైలిష్ స్టార్ అల్లు అర్జున్ హాజరు కాబోతున్నట్టు తెలుస్తుంది. ఈ విషయాన్ని స్వయంగా చిత్ర యూనిట్ ప్రకటించింది. ఇక ఈ చిత్రాన్ని… ప్రేమికుల రోజు సందర్బంగా ఫిబ్రవరి 14న విడుదల చేస్తున్నారు.