మెగాస్టార్ చిరంజీవి నటించనున్న 150 వ చిత్రం ఏప్రిల్ 29 న ప్రారంభం కానుంది. వి‌వి వినాయక్ దర్శకత్వంలో రామ్ చరణ్ ఈ చిత్రాన్ని నిర్మిస్తుండగా.. దేవి శ్రీ ప్రసాద్ ఈ చిత్రానికి స్వరాలు సమకూర్చనున్నాడు. ఈ చిత్రంలో చిరు సరసన నయనతార నటించనుందని వార్తలు వినవస్తున్న నేపథ్యంలో.. ఈ వార్తలపై ఆమె స్పందించారు.
‘చిరంజీవి తో నేను ఎటువంటి చిత్రంలో నటించడం లేదు. ఇప్పటి వరకు నన్ను ఎవరూ సంప్రదించలేదు. ఈ చిత్రంలో నటించమని నన్ను ఎవరూ అడగలేద’ని నయనతార స్పష్టం చేసింది.
ప్రస్తుతం తెలుగులో వెంకటేష్ సరసన “బాబు బంగారం” చిత్రంలో మాత్రమే తాను నటిస్తున్నట్లు ఆమె పేర్కొంది. మరోవైపు ఆమె పలు తమిళ, మలయాళ చిత్రాల్లో నటిస్తూ బిజీగా ఉంది.
