అభిజీత్ గురించి ఎవ్వరికీ తెలియని నిజాలు బయటపెట్టిన అమల..!

November 19, 2020 / 08:20 PM IST

‘బిగ్ బాస్4’ లో ఎంట్రీ ఇచ్చిన అభిజీత్.. గతంలో శేఖర్ కమ్ముల డైరెక్షన్లో వచ్చిన ‘లైఫ్ ఈజ్ బ్యూటిఫుల్’ అనే చిత్రం చేసిన సంగతి తెలిసిందే. అటు తరువాత ‘పెళ్లి గోల’ అనే వెబ్ సిరీస్ లో కూడా నటించాడు. ఇదిలా ఉండగా.. ‘లైఫ్ ఈజ్ బ్యూటిఫుల్’ సినిమాలో అభిజీత్ కు తల్లిగా అక్కినేని అమల నటించిన సంగతి తెలిసిందే.ఆమె 30రోజుల పాటు ఈ చిత్రం షూటింగ్లో పాల్గొంది. నిజానికి నాగార్జున ఫ్యామిలీతో అభిజీత్ కు మంచి సాన్నిహిత్యం ఉంది.

సరే ఈ విషయాన్ని పక్కన పెడితే.. ‘బిగ్ బాస్4’ తో మంచి ఫ్యాన్ ఫాలోయింగ్ ను సంపాదించుకున్నాడు అభిజీత్. ఇతని గురించి ఎవ్వరికీ తెలియని నిజాలను అక్కినేని అమల ఓ ఇంటర్వ్యూలో చెప్పుకొచ్చింది. ఆమె మాట్లాడుతూ.. “అభిజీత్ నిజంగా చాలా మంచి కుర్రాడు. పెద్దలతో చాలా మర్యాదగా నడుచుకుంటాడు. అతను నిజంగా నా సొంత కొడుకు లాంటివాడు.! సినిమా షూటింగ్ జరిగినన్ని రోజులు నన్ను.. అతని సొంత తల్లిలానే ట్రీట్ చేసేవాడు.నాలాగే అభికి కూడా మూగ జీవాలంటే చాలా ఇష్టం.

దాంతో నాకు ఇంకా బాగా కనెక్ట్ అయ్యాడు. ‘లైఫ్ ఈజ్ బ్యూటీఫుల్’ సినిమా చేస్తున్నప్పుడు అతను చిన్న కుర్రాడు. అప్పుడే బీ-టెక్ పూర్తి చేసుకుని వచ్చాడు.అయినా సరే.. చాలా మెచ్యూర్డ్‌గా ఆలోచిస్తాడు” అంటూ చెప్పుకొచ్చింది అమల. ఇదిలా ఉండగా.. ఈసారి ‘బిగ్ బాస్4’ విన్నర్ అభిజీత్ అవుతాడని చాలా మంది అంచనా వేస్తున్నారు. మరి వారి అంచనాలను అభిజీత్ అందుకుంటాడో లేదో తెలియాల్సి ఉంది.