మణిరత్నం సినిమాలో ఛాన్స్ కోసం నటీనటులు ఆసక్తిగా ఎదురుచూస్తుంటారు. అలాంటి అవకాశం వస్తే అసలు వదులుకోరు. పెద్ద పెద్ద హీరోలు సైతం మణిరత్నం సినిమాలో నటించాలని కోరుకుంటారు. అలాంటిది.. మణిరత్నం పిలిచి సినిమాలో అవకాశం ఇస్తానని నో చెప్పిందట అమలాపాల్. అది కూడా ‘పొన్నియిన్ సెల్వన్’ లాంటి భారీ ప్రాజెక్ట్ కావడం ఆశ్చర్యం కలిగించే విషయం. ఈ విషయాన్ని అమలాపాల్ స్వయంగా వెల్లడించింది. రీసెంట్ గా ఓ ఇంటర్వ్యూలో పాల్గొన్న అమలాపాల్ పలు ఆసక్తికర విషయాలను వెల్లడించింది.
కొన్నేళ్లక్రితం ‘పొన్నియిన్ సెల్వన్’ సినిమాలో ఓ పాత్ర కోసం అమలాపాల్ ని ఆడిషన్ చేశారట. అయితే ఆడిషన్ సరిగ్గా జరగలేదని.. ఆ పాత్రకు ఆమె సూట్ అవ్వదని పక్కన పెట్టినట్లు అమలాపాల్ వెల్లడించింది. గతేడాది మళ్లీ మణిరత్నం టీమ్ తనను అదే పాత్రకు సంప్రదించిందని.. కానీ తనకు అప్పుడు ఆ పాత్ర చేసే ఆసక్తి పోయిందని.. దీంతో తాను ఆ సినిమాను వదులుకున్నానని అమలాపాల్ తెలిపింది.
మరి ‘పొన్నియిన్ సెల్వన్’ లాంటి సినిమా మిస్ చేసుకున్నందుకు బాధ లేదా..? అని అడిగితే.. అలాంటిదేమీ లేదని.. కొన్నిసార్లు కొన్ని విషయాలు ఇలా జరుగుతుంటాయని అమలాపాల్ వెల్లడించింది. అయితే తాను మణిరత్నంకి పెద్ద అభిమానినని.. ఆయన దర్శకత్వంలో నటించడానికి ఎదురుచూస్తున్నట్లు చెప్పింది. ఇక ‘పొన్నియిన్ సెల్వన్’ సినిమా విషయానికొస్తే.. ఇందులో విక్రమ్, జయం రవి, కార్తీ లాంటి స్టార్ హీరోలు నటించారు. అలానే ఐశ్వర్యారాయ్, త్రిష హీరోయిన్లుగా కనిపించనున్నారు. ఈ నెల 30న సినిమా ప్రేక్షకుల ముందుకు రానుంది.
Most Recommended Video
భూమా మౌనిక కు ఆల్రెడీ పెళ్లయిందా?
బిగ్ బాస్ కంటెస్టెంట్ రేవంత్ గురించి 10 ఆసక్తికరమైన విషయాలు..!
ఛార్మి మాత్రమే కాదు నిర్మాతలయ్యి భారీగా నష్టపోయిన హీరోయిన్ల లిస్ట్..!
Home