రవితేజ చిత్రం రిలీజ్ విషయంలో ఇబ్బంది పడుతున్న నిర్మాతలు

స్టార్ డైరక్టర్ శ్రీను వైట్లకి హిట్ ఇప్పుడు అత్యవసరం. ఎందుకంటే దూకుడు తర్వాత అతను హిట్ కొట్టలేకపోయారు. బాద్షా, ఆగడు, బ్రూస్‌లీ, మిస్ట‌ర్‌ సినిమాలు అన్నీ బాక్స్ ఆఫీస్ వద్ద బోల్తా కొట్టాయి. అతికష్టం మీద మైత్రీ మూవీ మేకర్స్ వారిని ఒప్పించి మాస్ మ‌హారాజ్ ర‌వితేజ‌తో “అమ‌ర్ అక్బ‌ర్ అంటోని” సినిమా చేస్తున్నారు. ఇలియానా హీరోయిన్‌గా నటిస్తున్న ఈ మూవీ షూటింగ్ దాదాపు కంప్లీట్ అయింది. కొన్ని ప్యాచ్ వర్క్ జరుగుతోంది. ఈ సినిమాని అక్టోబర్ 5న విడుదల చేయాలనీ అనుకున్నారు. కానీ షూటింగ్ కంప్లీట్ కాకపోవడంతో వాయిదా వేశారు. నవంబర్ లో ఎలాగైనా విడుదల చేయాలనీ అనుకున్నారు. మైత్రీ మూవీ మేకర్స్ వారి మరో ప్రాజక్ట్ సవ్యసాచి అనేక వాయిదాలు దాటుకొని నవంబర్ 2 న రాబోతోంది. ఇక అందుకు పోటీగా “అమ‌ర్ అక్బ‌ర్ అంటోని” ఎందుకు రిలీజ్ చేయాలనీ వాయిదా వేశారు.

ఫస్ట్ వీక్ కుదరదు కాబట్టి రెండో వారం రిలీజ్ చేద్దామనుకుంటే విజయ్ సర్కార్ , బిగ్ బీ “తగ్స్ అఫ్ హిందుస్థాన్” వస్తున్నాయి. పోనీ నవంబర్ 16న ప్లాన్ చేసుకుందాం అనుకుంటే విజయ్ దేవరకొండ టాక్సీ వాలాగా రాబోతున్నాడు. నాలుగో వారం చూద్దామా అంటే 29న సూపర్ స్టార్ 2.0 రెడీగా ఉంది. సో నవంబర్ లో రిలీజ్ చేస్తే పోటీ తట్టుకోవడం కష్టం. యావరేజ్ అని టాక్ వచ్చినా కలక్షన్స్ పెద్దగా రావు. అందుకే డిసెంబర్ లో మంచి రోజు చూస్తున్నారు. డిసెంబర్ 21న శర్వానంద్, సాయిపల్లవి జంటగా నటించిన “పడిపడి లేచే మనసు”, వరుణ్ తేజ్ – సంకల్ప్ రెడ్డి కాంబినేషన్ మూవీ “అంతరిక్షం 9000 కెఎంపిహెచ్”, మమ్ముట్టి మూవీ “యాత్ర” రిలీజ్ కానున్నాయి. కాబట్టి రెండు వారాల ముందుగానే “అమర్ అక్బర్ ఆంటోనీ” రావాల్సి ఉంటుంది.