మెగాస్టార్ చిరంజీవి రీ ఎంట్రీ చిత్రంతో పూర్వవైభవాన్ని సొంతం చేసుకున్నారు. ఖైదీ నంబర్ 150 ఇచ్చిన విజయ ఉత్సాహంతో 151 సినిమాకు సిద్ధమవుతున్నారు. ఈ ఫిల్మ్ ని కూడా రామ్ చరణే నిర్మిస్తున్న సంగతి తెలిసిందే. చెర్రీకి ధృవ వంటి సూపర్ హిట్ ఇచ్చిన స్టైలిష్ డైరక్టర్ సురేందర్ రెడ్డి కే మెగాస్టార్ కొత్త సినిమా బాధ్యతలను అప్పగించారు. స్వాతంత్ర సమరయోధుడు ఉయ్యాల వాడ నరసింహా రెడ్డి జీవితం ఆధారంగా తెరకెక్కుతోన్న ఈ సినిమాకి ప్రీ ప్రొడక్షన్ వర్క్ పక్కాగా జరుగుతోంది. ఆగస్టు నుంచి రెగ్యులర్ షూటింగ్ కి వెళ్లనున్న ఈ సినిమా గురించి ఆసక్తికర విషయం బయటికి వచ్చింది.
ఈ సినిమాలోని కీలక పాత్రను బాలీవుడ్ సూపర్ స్టార్ అమితాబ్ బచ్చన్ పోషించనున్నట్లు తెలిసింది. ఇప్పటికే ఆయనకు డైరక్టర్ కథను వినిపించారని, బిగ్ బీ కూడా తన రోల్ పై ఆసక్తిగా ఉన్నారని తెలుస్తోంది. ఇదివరకు అమితాబ్ బచ్చన్ నాగార్జున మనం సినిమాలో కొన్ని క్షణాలు కనిపించారు. ఇప్పుడు మెగాస్టార్ మూవీలో మెరవనున్నారు. ఉయ్యాల వాడ నరసింహా రెడ్డి అమితాబ్ నటిస్తున్న విషయంపై చిత్ర బృందం త్వరలో అధికారిక ప్రకటన చేయనుంది.
Also, do SUBSCRIBE to our YouTube channel to get latest Tollywood updates.
