పులిహోర సరిగ్గా కలిపితే ఫ్లాట్ అవ్వని అమ్మాయి ఉంటుందా… బిగ్ బాస్ లో కూడా అదే జరిగింది. ఇప్పుడిప్పుడే ఆక్టివ్ అవుతున్న దివి, ఎప్పుడూ యాక్టీవ్ గా ఉండే అమ్మ రాజశేఖర్ మధ్య ఆసక్తికరమైన సంభాషణ జరిగింది. వంట గదిలో అయితే థీమ్ బాగుంటుందనేమో అమ్మ రాజశేఖర్.. దివితో పులిహోర కలిపే ప్రయత్నం చేశాడు. అది బాగా సక్సెస్ అయినట్లు కూడా ఉంది. అయితే ఆ ఫ్లో లో వంట… పెంట అయిపోయింది.
ఈ పులిహోర ప్రాసెస్ ఉదయాన్నే మొదలైంది. అందరూ వంట గదిలో ఉన్నారు. కొందరు వంట చేస్తుంటే… ఇంకొందరు చూస్తున్నారు. దివి టీ చేద్దామని చూస్తుంటే అమ్మ రాజశేఖర్ బ్రేక్ ఫాస్ట్ ప్రిపేర్ చేస్తున్నాడు. దివి నిన్న మాస్టర్ ని పొగిడేసిందనేమో… ఈ రోజు మాస్టర్ పొగడటం స్టార్ట్ చేసాడు. మంచి అమ్మాయి, అందంగా ఉంటుంది, మన ఇంట్లో ఉంటుంది… అందుకే ‘నేను హీరో… నువ్వే హీరోయిన్ అన్నాడు’. దెబ్బకి పాపా ఫ్లాట్. దివి సిగ్గు పడటం ఏదైతే ఉందొ… సూపర్ సుపరస్య… సుపరోబ్యః.
అయితే ఈ ప్లాట్ అక్కడితో ఆగలేదు. ‘వంట చేసే అబ్బాయిలు అంటే నాకూ ఇష్టమే’ అంటూ దివి మాస్టర్ కి సెంట్ పూసింది. ఇక్కడ మాస్టారు ఫ్లాట్. దాంతో వంట పెంట అయిపోయింది. నూనెలో పోపు వెయ్యబోయి టీ పొడి వేసేసాడు అమ్మ రాజశేఖర్. ఏదైనా పులిహోర కలపడం సులభం అయినంతగా… దానిని ఫేస్ చెయ్యడం సులభం కాదు. ఈ విషయం మీకూ తెలుసు కదా. ఈ పులిహోర సినిమా మరిన్ని విషయాలు ఈ రోజు ఎపిసోడ్ లో..
