కోలీవుడ్ బ్యూటీ అమ్ము అభిరామి తెలుగులో తక్కువ సినిమాల్లోనే నటించినా తన నటనతో ప్రేక్షకులను ఆకట్టుకున్నారు. రాక్షసుడు, నారప్ప సినిమాల ద్వారా టాలీవుడ్ ప్రేక్షకులకు దగ్గరైన అమ్ము అభిరామి తాజాగా ఇన్ స్టాగ్రామ్ లో చేసిన పోస్ట్ వైరల్ అవుతోంది. కొత్త కారు కొన్న అమ్ము అభిరామి ఆ కారు వెనుక ఉన్న ఒక ఆసక్తికర కథను సోషల్ మీడియా వేదికగా ఫ్యాన్స్ తో పంచుకోవడంతో పాటు కీలక విషయాలను వెల్లడించారు.
2012 సంవత్సరంలో తాను ఏడో తరగతి చదువుతున్నానని ఆ సమయంలో సిగ్నల్ దగ్గర థార్ కారును చూసి ఆ కారుతో లవ్ లో పడిపోయానని అమ్ము అభిరామి అన్నారు. ఆ కారు గురించి నాన్నతో ఎవడు వీడు.. ఇంత అందంగా ఉన్నాడని అడిగానని మొదట్లో కంగారు పడిన నాన్న మహీంద్రా థార్ కారు గురించి అడుగుతున్నానని తెలిసి సూపర్ బండి అని బదులిచ్చారని అమ్ము అభిరామి పేర్కొన్నారు. తాను కొత్త కారును కొంటే మహీంద్రా థార్ కారును కొనాలని అనుకున్నానని ఈ ఏడాది ఆ కారు తన దగ్గరకు వచ్చిందని అమ్ము అభిరామి వెల్లడించారు.
కారును చూసి ఇదంతా కలా? నిజమా? అని అనుకున్నానని అమ్ము అభిరామి వెల్లడించారు. 13 సంవత్సరాల వెనక్కు వెళ్లి తనను తాను హగ్ చేసుకుని నువ్వు సాధించావ్ అని చెప్పాలని ఉందని అమ్ము అభిరామి పేర్కొన్నారు. అందరూ కలలు కనాలని ఆ కలల కోసం కష్టపడాలని అమ్ము అభిరామి వెల్లడించారు. కలలు కంటే ఏదో ఒకరోజు విజయం సాధించవచ్చని అమ్ము అభిరామి చెప్పుకొచ్చారు.
Most Recommended Video
రొమాంటిక్ సినిమా రివ్యూ & రేటింగ్!
పునీత్ రాజ్ కుమార్ సినీ ప్రయాణం గురించి తెలిస్తే షాక్ అవ్వాల్సిందే..!
ఇప్పటివరకు ఎవ్వరూ చూడని పునీత్ రాజ్ కుమార్ ఫోటోలు..!
