వాళ్ళు చేసిన సాయం నేనెప్పటికీ మరిచిపోలేను : పూరీ జగన్నాథ్

December 29, 2021 / 04:51 PM IST

డాషింగ్ డైరెక్టర్ పూరి జగన్నాథ్.. సినిమాల గురించి అందరికీ తెలిసిందే. ఎటువంటి కథనైనా ఎంతో ఎంగేజింగ్ గా చెప్పాలి అంటే పూరి తర్వాతే..! పూరి డైరెక్షన్లో నటించిన ప్రతీ హీరోకి మాస్ ఇమేజ్ రావడమే కాదు… తరువాత పెద్ద స్టార్లు అవుతారు అనే సెంటిమెంట్ కూడా ఉంది. పవర్ స్టార్ పవన్ కళ్యాణ్ కు ‘బద్రి’ … రవితేజ కు ‘ఇడియట్’ ..మహేష్ కు ‘పోకిరి’… ప్రభాస్ కు ‘బుజ్జిగాడు’.. అల్లు అర్జున్ కి ‘దేశముదురు’ వంటి హిట్లు ఇచ్చి వారి ఇమేజ్ ను డబుల్ చేసాడు పూరి.

వరుస ప్లాపుల్లో ఉన్న పూరీ గతేడాది ‘ఇస్మార్ట్ శంకర్’ చిత్రంతో బ్లాక్ బస్టర్ అందుకుని మళ్ళీ ఫామ్లోకి వచ్చాడు. ఏ విషయాన్ని అయినా ముక్కు సూటిగా మాట్లాడే పూరి.. తాజాగా తన పెళ్ళి నాటి విషయాల గురించి చెప్పి షాక్ కు గురిచేసాడు. పూరి మాట్లాడుతూ…” నేను లావణ్యను పెళ్ళి చేసుకున్నప్పుడు నా దగ్గర కనీసం డబ్బులు లేవు. ఇండస్ట్రీలో అవకాశాల కోసం తిరుగుతున్న రోజుల్లో నేను సంపాదించింది లేదు. నాది ప్రేమ వివాహం కావడంతో… సీక్రెట్ గా గుడిలో చేసుకున్నాను.

An interesting story behind Puri Jagannadh Marriage1

అప్పుడు తాళి బొట్టు కొనడానికి కూడా నా దగ్గర డబ్బులు లేవు. ఆ టైములో యాంకర్ ఝాన్సీ.. తాళిబొట్టు కొనిపెట్టింది. ఇక హేమ .. కూడా పెళ్ళి బట్టలు పెట్టింది. మిగిలిన నా ఫ్రెండ్స్ కూల్ డ్రింక్స్ వంటివి స్పాన్సర్ చేసారు. నేను ఇండస్ట్రీలో పని చెయ్యడం మొదలుపెట్టాక… బాగా సంపాదించాను. అయితే కొంతమంది స్నేహితులను గుడ్డిగా నమ్మి పోగొట్టుకున్నాను. అయితే నా పెళ్ళికి సాయం చేసిన ఝాన్సీ, హేమ అలాగే నా స్నేహితులను ఎప్పటికీ మర్చిపోలేను” అంటూ చెప్పుకొచ్చాడు.