ఆర్య సినిమా నుంచి రంగస్థలం సినిమా వరకు క్రియేటివ్ డైరెక్టర్ సుకుమార్ తీసిన ప్రతి సినిమా కథ, కథనం మిగతా దర్శకుల సినిమాలతో పోల్చి చూస్తే విభిన్నంగా ఉంటాయనే సంగతి తెలిసిందే. సినిమాల్లోకి రాకముందు లెక్కల మాస్టర్ గా పని చేసిన సుకుమార్ ప్రస్తుతం అల్లు అర్జున్ తో పుష్ప సినిమా తెరకెక్కిస్తున్నారు. అయితే రెండు రోజుల క్రితం వరకు పుష్ప సినిమా షూటింగ్ జరిగిన సంగతి తెలిసిందే.
మిగతా స్టార్ డైరెక్టర్లు అంతా ఇళ్లకే పరిమితమయినా సుకుమార్ కరోనా విజృంభిస్తున్న తరుణంలో షూట్ చేయడానికి విలన్ ఫహద్ ఫాజిల్ కారణమని తెలుస్తోంది. నటుడిగా ఫహద్ ఫాజిల్ పుష్ప సినిమాతో పాటు మరికొన్ని సినిమాలతో బిజీగా ఉన్నారు. ఫహద్ ఫాజిల్ డేట్స్ దొరకడం అంత ఈజీ కాదు. ఆ కారణం వల్లే సుకుమార్ ఆవాంతరాలు ఎదురైనా పుష్ప షూటింగ్ ను చివరి నిమిషం వరకు కొనసాగించారని తెలుస్తోంది. ప్రస్తుతం షూటింగ్ నుంచి ఫహద్ ఫాజిల్ సొంతంగా వెళ్లిపోయారు కాబట్టి మళ్లీ ఆయనే డేట్స్ కేటాయిస్తారని సుకుమార్ భావిస్తున్నారు.
మరోవైపు ఈ సినిమా కోసం ప్రేక్షకులు ఆసక్తిగా ఎదురు చూస్తున్నారు. ఈ ఏడాది ఆగష్టు 13న ఈ సినిమా రిలీజ్ కావాల్సి ఉండగా అల్లు అర్జున్ కు కరోనా సోకడంతో సినిమా రిలీజ్ డేట్ మారే అవకాశాలు ఉన్నాయని తెలుస్తోంది. బన్నీ ఈ సినిమాలో ఊరమాస్ లుక్ లో కనిపిస్తుండగా బన్నీ కెరీర్ లో ఈ సినిమా బిగ్గెస్ట్ హిట్ గా నిలుస్తుందని ఫ్యాన్స్ భావిస్తున్నారు.
Most Recommended Video
ధూమపానం మానేసి ఫ్యాన్స్ ని ఇన్స్పైర్ చేసిన 10 మంది హీరోల లిస్ట్..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!
ఈ 12 మంది డైరెక్టర్లు మొదటి సినిమాతో కంటే కూడా రెండో సినిమాతోనే హిట్లు కొట్టారు..!
