గత కొన్ని రోజుల నుంచి ఆర్ఆర్ఆర్ సినిమా తరువాత చరణ్ నటించబోయే సినిమా విషయంలో చరణ్ ఫ్యాన్స్ తెగ కంగారు పడుతున్నారు. భారతీయుడు2 సినిమా వల్ల శంకర్ కోర్టు వివాదాల్లో చిక్కుకోవడంతో శంకర్ చరణ్ ప్రాజెక్ట్ షూటింగ్ అనుకున్న విధంగా జరుగుతుందా..? లేక ఆలస్యమవుతుందా..? అనే ప్రశ్నలు వినిపించాయి. అయితే తాజాగా కోర్టు తీసుకున్న నిర్ణయం వల్ల చరణ్ కష్టాలు తీరినట్టేనని తెలుస్తోంది. తమిళనాడు హైకోర్టు శంకర్ చరణ్ కాంబో మూవీ షూటింగ్ మొదలుకాకూడదని దాఖలైన పిటిషన్లను కొట్టేసినట్లు తెలుస్తోంది.
కోర్టు నిర్ణయంతో చరణ్ శంకర్ మూవీకి దాదాపుగా అడ్డంకులు తొలగిపోయినట్లేనని చెప్పాలి. నిర్మాత దిల్ రాజు దాదాపు 150 కోట్ల రూపాయల బడ్జెట్ తో ఈ సినిమాను తెరకెక్కిస్తున్నట్టు తెలుస్తోంది. ఆర్ఆర్ఆర్ షూటింగ్ పూర్తైన తరువాత చరణ్ శంకర్ కాంబో మూవీ మొదలయ్యే అవకాశాలు ఉన్నాయి. సాధారణంగా శంకర్ సినిమాలలో గ్రాఫిక్స్ కు ఎక్కువగా ప్రాధాన్యత ఉంటుంది. అయితే ఈ సినిమాను మాత్రం శంకర్ కమర్షియల్ అంశాలతో తెరకెక్కించనున్నారని తెలుస్తోంది.
మరోవైపు శంకర్ దర్శకత్వంలో వస్తున్న సినిమాలు కాస్ట్ ఫెయిల్యూర్ గా నిలుస్తున్నాయి. శంకర్ ఈ సినిమాతోనైనా సక్సెస్ ట్రాక్ లోకి రావాలని భావిస్తున్నారు. చరణ్ మూవీతో శంకర్ కోరిక తీరుతుందేమో చూడాల్సి ఉంది. మరోవైపు రాజమౌళి దర్శకత్వంలో నటించిన హీరోకు తరువాత సినిమా ఫ్లాప్ అవుతుందని ఇండస్ట్రీలో ఒక సెంటిమెంట్ ఉంది. చరణ్ శంకర్ సినిమాతో ఈ సెంటిమెంట్ ను బ్రేక్ చేస్తారేమో చూడాల్సి ఉంది.
Most Recommended Video
విజయేంద్ర ప్రసాద్ గారి గురించి 10 ఆసక్తికరమైన విషయాలు..!
ఈ 10 స్పీచ్ లు వింటే ఈ స్టార్లకు ఫ్యాన్స్ అయిపోతారు అంతే..!
నయన్, అవికా టు అలియా.. డేటింగ్ కి ఓకే పెళ్ళికి నొ అంటున్న భామలు..!
