అల్లు అర్జున్ పై ఇటీవల యాంకర్ అనసూయ చేసిన కామెంట్స్ వైరల్ గా మారాయి. అల్లు అర్జున్ ప్రస్తుతం సుకుమార్ డైరెక్షన్లో ‘పుష్ప’ అనే చిత్రంలో నటిస్తున్న సంగతి తెలిసిందే. ఇందులో అనసూయ కూడా కీలక పాత్ర పోషిస్తోంది. ఆమె షూటింగ్ లో జాయిన్ అయిన రోజున తన సోషల్ మీడియాలో ఓ పోస్ట్ కూడా పెట్టింది.ఇదిలా ఉండగా.. ఇటీవల అనసూయ ఓ ఇంటర్వ్యూలో బన్నీ గురించి ఆసక్తికరమైన వ్యాఖ్యలు చేసింది.
ఆమె మాట్లాడుతూ.. “అల్లు అర్జున్ ఇప్పటికే చాలా సినిమాల్లో నటించినప్పటికీ.. ప్రతి సినిమాని తన మొదటి సినిమాలానే భావిస్తాడు. నేను షూటింగ్ లో ఉన్న 4 రోజులు బన్నీ లో చాలా విషయాలు గమనించాను. అర్జునుడు.. చెట్టు మీద ఉన్న పక్షి పై మాత్రమే ఏకాగ్రత పెట్టినట్లుగా… బన్నీ కళ్ళు కూడా ఎప్పుడూ డైరెక్టర్ చెప్పిన పాయింట్ మీదే ఉంటాయి. అతని డెడికేషన్ ఆ రేంజ్లో ఉంటుంది” అంటూ అనసూయ చెప్పుకొచ్చింది. ఇక ’పుష్ప’ టీజర్ యూట్యూబ్లో ‘తెగ్గేదే లె’ అన్నట్టు 68 మిలియన్ల వ్యూస్ ను కొల్లగొట్టింది.
అంతేకాదు 1.5 మిలియన్ల లైక్ లను నమోదు చేసిన టీజర్ గా కూడా అరుదైన రికార్డుని సొంతం చేసుకుంది.’మైత్రీ మూవీ మేకర్స్’ ‘ముత్తంశెట్టి మీడియా’ సంస్థలు కలిసి నిర్మిస్తున్న ఈ చిత్రంలో రష్మిక మందన హీరోయిన్ గా నటిస్తుంది. విలన్ గా మలయాళ స్టార్ హీరో ఫహాద్ ఫాజిల్ నటిస్తుండడంతో సినిమా పై అంచనాలు మరింత పెరిగాయి.
Most Recommended Video
10 మంది టాలీవుడ్ సెలబ్రిటీలు మరియు వారి అలవాట్లు..!
టాలీవుడ్లో రూపొందుతున్న 10 సీక్వెల్స్ లిస్ట్..!
ఈ 15 మంది సెలబ్రిటీలు బ్రతికుంటే మరింతగా రాణించే వారేమో..!
