తన భర్తతో అనసూయ డీప్ రొమాన్స్.. వైరల్ అవుతున్న ఫోటో..!

February 14, 2022 / 08:17 PM IST

యాంకర్ అనసూయ క్రేజ్ గురించి ఎంత చెప్పుకున్నా తక్కువే. ఓ పక్క బుల్లితెర పై షోలు చేస్తూనే మరో పక్క సినిమాల్లో కూడా తనకు సెట్ అయ్యే పాత్రలను.. మంచి పేరు తెచ్చిపెట్టే పాత్రలనే చేసుకుంటూ ముందుకు సాగుతుంటుంది. 35ఏళ్ళ వయసొచ్చినా ఇద్దరు పిలల్లకు తల్లయినప్పటికీ ఈమె గ్లామర్ మాత్రం చెక్కు చెదరలేదు. అందుకే కుర్ర కారు కూడా ఈమె గ్లామర్ కు ఫిదా అయిపోతారు. సోషల్ మీడియాలో హీరోయిన్లతో సమానమైన క్రేజ్ ను సంపాదించుకుంది అనసూయ. నిత్యం కొత్త కొత్త ఫోటోలను షేర్ చేస్తూ ఉంటుంది ఈమె. అందుకే అవి వెంటనే వైరలు అయిపోతుంటాయి.

తాజాగా తన భర్తతో డీప్ రొమాంటిక్ మూడ్ లో ఉన్న ఓ ఫోటోని షేర్ చేసింది అనసూయ. వివరాల్లోకి వెళితే.. నిన్న వాలెంటైన్స్ డే సందర్భంగా ప్రేమికులందరూ ఘనంగా ఈ వేడుకను జరుపుకున్నారు. మన టాలీవుడ్ సెలబ్రిటీలు కూడా వారి ఫ్యామిలీ ఫోటోలను షేర్ చేశారు. ఇదే క్రమంలో అనసూయ కూడా తన భర్త సుశాంక్ ను హగ్ చేసుకుని రొమాంటిక్ మూడ్ లో ఉన్నప్పుడు ఫోటో తీయించుకుని దానిని సోషల్ మీడియాలో పెట్టింది. క్షణాల్లోనే ఆ ఫోటో వైరల్ అయిపోవడం జరిగింది.

ఈ ఫోటోకి ఆమె అభిమానులు ‘సూపర్’ ‘హ్యాపీ వాలెంటైన్స్ డే’ ‘బ్యూటిఫుల్ పెయిర్’ అంటూ కామెంట్లు పెడుతున్నారు. ఇక సినిమాల విషయానికి వస్తే అనసూయ ప్రస్తుతం.. కృష్ణవంశీ డైరెక్షన్లో తెరకెక్కుతోన్న ‘రంగమార్తాండ’ చిత్రంలో నటిస్తుంది. అంతేకాకుండా రవితేజ హీరోగా తెరకెక్కుతోన్న ‘కిలాడి’ చిత్రంలో కూడా ఎంపికైనట్టు ఇటీవల దర్శకనిర్మాతలు ప్రకటించారు.