Anasuya: వీళ్లిద్దరూ చాలా రొమాంటిక్.. అనసూయ కపుల్ పై నెటిజెన్ల ఫన్నీ సెటైర్లు!

February 18, 2024 / 05:36 PM IST

‘జబర్దస్త్’ కామెడీ షోకి గ్లామర్ మెరుపులు దిద్దిన అనసూయ… ఆ షో ద్వారా బోలెడంత క్రేజ్ ను సొంతం చేసుకుంది. తద్వారా ఈమెకు వరుస సినిమాల్లో అవకాశాలు కూడా లభించాయి. అలా అని అనసూయ వచ్చిన ప్రతి సినిమాకి ఓకే చెప్పలేదు. నటిగా ఎంత వరకు ప్రేక్షకులను అలరించగలనో అనేదాని పైనే దృష్టి పెట్టింది మంచి పేరు తెచ్చి పెట్టె పాత్రలు చేసింది.’సోగ్గాడే చిన్ని నాయన’ ‘క్షణం’ ‘రంగస్థలం’ ‘యాత్ర’ ‘పుష్ప’ వంటి సినిమాల్లో మంచి మంచి పాత్రలు పోషించింది.

ముఖ్యంగా ‘రంగస్థలం’ లో అనసూయ చేసిన రంగమ్మత్త పాత్ర అనసూయ లైఫ్ స్టైల్ ను మార్చేసింది అనే చెప్పాలి. అయితే ఒకప్పుడు బుల్లితెర పై సందడి చేస్తూనే వెండితెరపై కూడా దర్శనమిచ్చేది. కానీ కంప్లీట్ గా ఇప్పుడు సినిమాల్లోనే నటిస్తోంది. బుల్లితెర కి పూర్తిగా గుడ్ బై చెప్పేసింది. ఈ క్రమంలో ఆమెకు అవకాశాలు కూడా తగ్గినట్టు టాక్ వినిపించింది. అయితే మరోపక్క ఈమె ఫ్యామిలీతో కలిసి ఎంజాయ్ చేస్తూ కూడా వార్తల్లో నిలుస్తూ ఉంటుంది.

ముఖ్యంగా ఏదైనా టూర్ వేసినప్పుడు తన భర్తతో కలిసి రొమాంటిక్ ఫోజులు ఇస్తూ హాట్ టాపిక్ అవుతూ ఉంటుంది. గతేడాది అయితే తన భర్తతో పబ్లిక్ ప్లేసెస్ లో రొమాన్స్ చేయడం మాత్రమే కాకుండా లిప్ లాక్ లు కూడా ఇచ్చి టాప్ లేపింది. ఇప్పుడు కూడా అలాంటి ఫోటోలు పోస్ట్ చేసి మళ్ళీ వార్తల్లో నిలిచింది అనసూయ. అందుకే నెటిజెన్లు అనసూయ దంపతుల పై ‘ వీళ్లు బాగా రొమాంటిక్ ‘ అంటూ సెటైర్ లు వేస్తున్నారు