అప్పట్లో అనసూయ ఆ హీరోపై మనసుపడిందట

April 29, 2020 / 03:24 PM IST

తెలుగు రాష్ట్రాలలో అనసూయ అంటే తెలియని వాళ్ళు బహుశా ఎవరు ఉండరేమో. దాదాపు స్టార్ హీరోయిన్స్ కి దగ్గరగా ఈమె పాపులారిటీ ఉంటుంది. జబర్దస్త్ ద్వారా సూపర్ ఫేమస్ అయిన అనసూయ గ్లామర్ ఆ షోకి మరో ఆకర్షణ. జబర్ధస్త్ షోతో వచ్చిన ఇమేజ్ ఆమెను యాక్ట్రెస్ గా కూడా మార్చింది. అనేక సినిమాలలో ప్రాధాన్యం ఉన్న క్యారక్టర్ రోల్స్ చేస్తున్న అనసూయ అప్పుడప్పుడూ హీరోయిన్ గా కూడా నటిస్తుంది. గత ఏడాది కథనం అనే మూవీ విడుదల కాగా ఆ చిత్రంలో అనసూయ హీరోయిన్ గా చేశారు.

ఇక రంగస్థలం సినిమాలో రంగంమత్త రోల్ ఆమెకు మంచి గుర్తింపు తెచ్చింది. హీరోయిన్ గా కూడా అవకాశాల కోసం ఎదురుచూస్తున్న అనసూయను నచ్చిన హీరో ఎవరని అడుగగా ఆసక్తికర సమాధానం చెప్పారు. అనసూయను మీకు నచ్చిన మనసుపడిన హీరో ఎవరని అడుగగా ఠక్కున సీనియర్ హీరో అర్జున్ అని చెప్పింది. జెంటిల్ మెన్ మూవీ చూసిన అనసూయ ఆయనంటే అమితమైన అభిమానం పెంచుకుందట. ఆయన నటించిన ఒకే ఒక్కడు కూడా ఆమెకు ఇష్టమైన సినిమా అని చెప్పుకొచ్చింది.

Anasuya Ropled For A Bold Role1

గ్రేట్ డైరెక్టర్ శంకర్ తన మొదటి చిత్రంగా అర్జున్ తో జెంటిల్ మెన్ మూవీ చేశారు. 1993 లో వచ్చిన ఆ మూవీ ఇండస్ట్రీ హిట్ కొట్టింది. విడుదలైన అన్ని భాషలలో విజయం సాధించింది. మరి ఆ సినిమాలో అర్జున్ టు షేడ్స్ క్యారెక్టర్ లో చూసి అనసూయ పెద్ద ఫ్యాన్ అయిపోయిందట. ప్రస్తుతం అనసూయ దర్శకుడు కృష్ణ వంశీ తెరకెక్కిస్తున్న రంగమార్తాండ చిత్రంలో కీలక రోల్ చేస్తుంది.