రాహుల్ ‘బిగ్ బాస్’ విన్నర్ అవ్వడం పై యాంకర్ ఝాన్సీ అసంతృప్తి..!

‘బిగ్ బాస్3’ ముగిసింది. ఫైనల్ రాహుల్ టైటిల్ విన్ అయ్యాడు. యాంకర్ శ్రీముఖి తో తలబడిన రాహుల్ ఎట్టకేలకు టైటిల్ గెలుచుకున్నాడు. అయితే రాహుల్ గెలవడం చాలా మంది జీర్ణించుకోలేకపోతున్నారని నిజం. శ్రీముఖి కోసం యాంకర్ రష్మీ,ఆటో రాంప్రసాద్ వంటి వారు తెగ ప్రమోషన్ చేశారు. కానీ వారికి నిరాశే మిగిలింది. శ్రీముఖి అండ్ ఫ్యాన్స్ ఎలాగూ రాహుల్ ని ట్రోల్ చేస్తూనే ఉన్నారు. ఇక మరికొంతమంది లేడీ యాంకర్లు కూడా రాహుల్ గెలవడంతో అసంతృప్తి వ్యక్తం చేస్తూనే ఉన్నారు. ఆ లిస్ట్ లో తాజాగా చేరింది యాంకర్ ఝాన్సీ. యాంకరింగ్ తో పాటు సినిమాల్లో కూడా నటిస్తూ బిజీగా ఉంటూ వస్తున్న ఝాన్సీ.. ‘బిగ్ బాస్’ విన్నర్ పై నోరుపారేసుకుంది.

తన సోషల్ మీడియా ద్వారా ఝాన్సీ మాట్లాడుతూ.. “అమెరికా లాంటి దేశంలోనే మహిళను అధ్యక్షురాలిని చేయాలనుకోవటం లేదు, అలాంటిది ఇక్కడ తెలుగు ప్రేక్షకులు మాత్రం ‘బిగ్‌బాస్‌’ విజేతగా మహిళను ఎందుకు గెలిపిస్తారు. లింగభేదం ఇప్పటికీ ఉంది. శ్రీముఖి నువ్వైతే నీ బెస్ట్ ఇచ్చావ్.” అంటూ ‘బిగ్ బాస్’ ప్రేక్షకులని కించపరిచింది. అయితే హౌస్ లో శ్రీముఖి.. రాహుల్ ని టార్గెట్ చేస్తూ ఉండడం అందరూ చూసారు. అయితే రాహుల్ చివరి వరకూ చాలా ఓపికగా ఉంటూ వచ్చాడు. తన తప్పు తెలుసుకున్న ప్రతీసారి శ్రీముఖికి క్షమాపణలు చెబుతూనే వచ్చాడు. అయితే రాహుల్ మొహం పైనే ‘నిన్ను సీజన్ మొత్తం.. నామినేట్ చేస్తా..! నీతో లైఫ్ లాంగ్ మాట్లాడాను అంటూ చెప్పడం. అలాగే నెంబర్ గేమ్ సమయంలో కూడా ‘నెంబర్ 1′ ప్లేస్ కి వెళ్ళి అడగకుండా కావాలనే రాహుల్ నిలుచున్న 2 ప్లేస్ ని కావాలని తనతో గొడవ పెట్టుకోవడం’ ప్రేక్షకులు చూసారు అన్న సంగతి యాంకర్ ఝాన్సీ గ్రహించలేదనుకుంట. ‘బిగ్ బాస్2’ సమయంలో కూడా గీతామాధురి ఫైనలిస్ట్ లో ఉంది. అప్పుడు ప్రశ్నించని ఝాన్సీ ఇప్పుడు శ్రీముఖి విషయంలో ‘లింగ బేధం’ ఫీలింగ్ గురించి మాట్లాడటం నిజంగా కామెడీగానే ఉంది. ఏమైనా ఝాన్సీ కూడా యాంకర్ కదా.. కాబట్టి మరో యాంకర్ శ్రీముఖి విషయంలో ఆ ‘పక్షపాతం’ చూపిస్తుందనుకుంట..!

మీకు మాత్రమే చెప్తా సినిమా రివ్యూ & రేటింగ్!
విజిల్ సినిమా రివ్యూ & రేటింగ్!
ఖైదీ సినిమా రివ్యూ & రేటింగ్!